तरुण दल हेटौंडा-६ खाद्यान्न लिएर माझि बस्तिमा

३ असार,हेटौडा । नेपाल तरुण दल हेटौडा–६ खाद्यान्न र नगद सहयोग गर्न वडा नम्बर-६ मा रहेको माझि बस्ति पुगेको छ। 

तरुण दल हेटौंडा-६ का अध्यक्ष तथा ६ नम्बर वडा सदस्य राजकुमार बास्तोलाको नेतृत्वमा गएको तरुण दल टोलीलेहेटौडा–६ चौघडाका ८७ वर्षिय गोरे बहादुर माझीको पेटको उपचारको ३२ हजार सहयोग गरेको हो।रकम अभावका कारण उपचार गर्न नपाएका ८७ बर्षीय माझीलाई  उपचार गर्न सहयोग मिलोस भन्दै नगद सहयोग गरेको तरुण अध्यक्ष बास्तोलाले बताए। त्यसैगरि तरुण दलले निर्मल माझी र विष्णुमाया माझी परिवारलाई खाद्यान्न सहयोग गरेको छ । तरुण दलले निर्मला माझीलाई २ बोरा चामल, २ केजी दाल, २ पाकेट नुन ,२ लिटर तेल र विष्णुमाया माझी र हेटौंडा-६ निबासी शारीरिक अशक्तता भिम राईलाई १ बोरा चामल,२ केजी, दाल, १ लिटर तेल र २ पाकेट नुन सहयोग गरेको छ। हेटौंडा-५ निबासी रवि श्रेष्ठको समन्वयमा खाद्यान्न सहयोग गरिएको जनाइएको छ।

उक्त खाद्यान्न हेटौडा–६ का वडा अध्यक्ष अर्जुन प्रसाद चौलागाँई, वडा सदस्य राजकुृमार बास्तोला, तरुण दल ३ नम्बर क्षेत्रीय उपाध्यक्ष विक्रम दंगाल,क्षेत्रीयस सदस्यईश्वर राना मगर,नेपाली काँग्रेस हेटौडा–६ का सभापति रामहरि तिमल्सिनाले संयुक्त रुपमा हस्तान्तरण गरेका छन्।खाद्यान्न पाएपछि खुशी हुँदै माझी परिवारले तरुण दललाई धन्यवाद व्यक्त गरेका छन्। कार्यक्रममा तरुण नेेेेता  कार्यकर्ताको उपस्थिति रहेको थियो।