बकैया गाउँपालिकाको ०७८/०७९ को बजेट ६२ करोड ८३ लाख

१० असार, हेटौंडा । मकवानपुरको बकैया गाउँपालिकाले आगामी आर्थिक बर्ष ०७८/०७९ को बजेट ६२ करोड ८३ लाख ७८ हजार रुपैंयाको बजेट प्रस्तुत गरेको छ । 
गाउँपालिका अध्यक्ष दामोदर खनालको सभाध्यक्षतामा भएको गाउँसभामा उपाध्यक्ष सरला बोलखेले ६२ करोड ८३ लाख ७८ हजार रुपैंयाको बजेट प्रस्तुत गरेकी हुन् । 
बजेटमध्ये नेपाल सरकारबाट प्राप्त समानिकरण अनुदान तथा राजस्व बाँडफाँड, बागमती प्रदेश सरकारबाट प्राप्त समानिकरण अनुदान तथा राजस्व बाँडफाँड, आन्तरिक आय र चालु आर्थिक बर्षको मौज्दात समेत गरी ३३ करोड ७७ लाख ९९ हजार ७ सय १८ रुपैंया मध्ये संचालन खर्चतर्फ ७ करोड र विकास बजेटतर्फ २६ करोड  ७७ लाख ९९ हजार ७ सय १९ रुपैंया विनियोजन गरिएको छ ।
नेपाल सरकारबाट सशर्त अनुदानतर्फ प्राप्त २७ करोड ३८ लाख तथा बागमती प्रदेश सरकारबाट सशर्त अनुदानतर्फ प्राप्त १ करोड ६७ लाख ७९ हजार गरी २९ करोड ५ लाख ७९ हजार रकमलाई सम्बन्धित तहबाट खर्च गरिने जनाईएको छ । त्यस्तै बागमती प्रदेशसरकारबाट प्राप्त २ करोड ९७ लाख ६४ हजार  समपुरक अनुदानलाई प्रदेश सरकारसंगको सहकार्यमा योजना संचालन गरिने जनाईएको छ ।
प्रदेशबाट प्राप्त वित्तीय समानिकरण तथा राजस्व बाँडफाँड बार्षिक अनुमानित राजस्व आय र गतबर्षको मौज्दात गरी करिब २१ प्रतिशत हुन आउँछ भने विकास बजेटतर्फ ७९ प्रतिशत विनियोजन गरिएको छ । गाउँपालिकालाई वित्तीय समानिकरण अनुदानतर्फ १२ करोड ६२ लाख, सशर्त अनुदानतर्फ २७ करोड ३८ लाख, राजस्व बाँडफाँडतर्फ ११ करोड ३० लाख १२ हजार गरी ५१ करोड ३० लाख १२ हजार रुपैंया प्राप्त भएको जनाईएको छ ।

यो पनि पढ्नुस्
यस्तो छ बकैया गाउँपालिकाको प्राथमिकता

त्यस्तै, बागमती प्रदेश सरकारबाट वित्तीय समानिकरण अनुदानतर्फ १ करोड ६ लाख १० हजार, सशर्त अनुदानतर्फ १ करोड ६७ लाख ७९ हजार, राजस्व बाँडफाँडतर्फ ३ करोड ११ लाख ५३ हजार ७ सय १८ रुपैंया, समपुरकतर्फ २ करोड ७९ लाख ६४ हजार गरी ८ करोड ८३ लाख ६ हजार ७ सय १८ रुपैंया प्राप्त भएको जनाईएको छ । गाउँपालिकाका सभामा प्रमुख कार्यकारी अधिकृत लक्ष्मण पुडासैनी, गाउँपालिकाका अध्यक्ष र गाउँपरिषद सदस्य लगायतको सहभागिता रहेको थियो ।

यस्तो छ बजेट बाँडफाँड