शिक्षा मन्त्री श्रेष्ठले बोलेको कुराले हावा खाएपछि

१३ असार, हेटौंडा। हामी सबैलाई थाहा भएकै कुरा हो राज्यका अंगमा रहेका व्यक्ति जिम्मेवार रहन्छ भनेर,कुनै जिम्मेवार पदमा रहेका व्यक्तिले दिएको सान्दर्भिक र आवश्यक निर्देशन सबैले पालाना गर्नुपर्दछ।

तर नेपाल सरकारका एक जना मन्त्रीले दिएको निर्देशन सरकारी संस्थाले उल्लङ्घन गर्दै मन्त्रीको निर्देशनलाई हावा खुवाइदिएको छ। 

सरकारका शिक्षा मन्त्री कृष्ण गोपाल श्रेष्ठले केही दिन अघि  पाठ्यक्रम विकास तथा मूल्याङ्कन परिषदको बैठकमा लिम्पियाधुरा, लिपुलेक समेटिएको

नेपालको नयाँ नक्सा (चुच्चे नक्सा) नछाप्ने पुस्तक नियन्त्रणमा लिनु भनेर सम्बन्धित  कार्यालयलाई निर्देशन दिएका थिए।तर नयाँ शैक्षिक सत्र सुरु भइसक्दा सरकारको स्वामित्वमा रहेको जनक शिक्षा सामग्री केन्द्रले छापेको विभिन्न कक्षाको सामाजिक अध्ययन किताबमा भने पुरानै नक्सा पाइएको छ। सरकारको स्वामित्वमा रहेको संस्थामा रहेको सरकारका जिम्मेवार मन्त्रीको निर्देशनलाई नमान्नु मन्त्रीको निर्देशनले हावा खानु सावित भएको छ।

यता निजी विद्यालयको किताबमा भने मन्त्रीको निर्देशनको पालना भएको छ।निजि प्रकाशन गृहबाट प्रकाशित बिशेष गरेर सामाजिक अध्ययन विषयमा भने नयाँ चुच्चे नक्सा छापिएको छ।

यता पाठ्यक्रम विकास केन्द्र मानव स्रोत विकास केन्द्रका महानिर्देशक बैकुण्ठ अर्यालसँग बुझ्दा पुरानो नक्सा छापिएको किताब विद्यार्थीको हातमा परेको अनुगमनको क्रममा पाइएको स्वृकार गर्दै नयाँ नक्सा छापिएको पुस्तक तुरुन्तै वितरण गर्न निर्देशन दिएको बताए।