प्रदेश सरकारले विश्व सम्पदाका लागि के गर्यो भन्दै सांसदको प्रश्न

१९ असार, हेटौंडा । प्रदेश सरकारले प्रदेशमा रहेका विश्व सम्पदा सूचिमा परेका पर्यटकीय क्षेत्रलाई के गरेको छ भन्दै प्रश्न गरेका छन् । 
पर्यटनसम्बन्धी विधेयकमाथि सैद्धान्तिक छलफलमा भाग लिंदै सांसद छिरिङदोर्जे लामाले गुठीलाई प्रदेशले हेर्न भनेर संविधानमै उल्लेख भएपनि यसलाई कार्यान्वयनमा जोड दिए । उपत्यकामा रहेका ७ वटा विश्व सम्पदा सूचिका लागि के गर्यो भन्दै प्रश्न गरे । समितिलाई गठन आदेशबाट संचालन गर्नु भन्दा यसै ऐनले संचालन गर्ने अवस्था सिर्जना गर्न सुझाव दिए ।
सांसद रमेश पौड्याल यो ऐन संघीय ऐनकै नक्कल गरेको बताए । उनले पर्यटनबाट प्राप्त हुने लाभलाई समानुपातिक वितरण गर्नुपर्ने बताए ।
सांसद प्राकृतिक पर्यटकीय क्षेत्रलाई प्रवर्द्धन गर्नुपर्ने बताउँदै यसको गर्न सके अन्य देशसंग प्रतिष्पर्धा गर्नु नपर्ने बताए । उनले पर्यटनले रोजगारी प्रवर्द्धन गर्ने भएकाले व्यापक छलफलबाट विधेयक पारित गर्नुपर्ने बताए ।
सांसद नरोत्तम बैद्य बजेट छलफलमा ऐनलाई गलत भएको बताए । उनलाई अन्तर्राष्ट्रिय पर्यटकीय क्षेत्र पशुपतिनाथलाई प्रदेश अन्तर ल्याउनुपर्नेमा जोड दिए । पशुपतिले नै प्रदेशलाई ठूलो आर्थिक सहयोग हुने भएकाले प्रदेश सरकारले ध्यान दिन सुझाव दिए । सांसद प्रभात तामाङले पर्यटनलाई महत्त्वका साथ अघि बढाउन सके प्रदेशको अर्थतन्त्रलाई सहयोग गर्ने बताए ।
छलफलमा सांसद प्रभात तामाङ, रिता माझी, शोभा शाक्य, राजकाजी महर्जन, लालकुमारी पुन, विराजभक्त श्रेष्ठ, रिना गुरूङ, सिर्जना सैज्यु, राजेन्द्र गुरूङ, बिजया केसी श्रेष्ठलगायतले धारणा राखेका थिए ।
यसैगरी, सामाजिक विकास मन्त्री सरस्वती बस्नेतले पेश गरेको कृषि उच्च शिक्षा सम्बन्धमा व्यवस्था गर्न बनेको विधेयकमाथि सैद्धान्तिक छलफल भएको छ ।