अदालतलाई दिएको प्रधानमन्त्रीको जवाफ अहंकारपूर्णः शर्मा

file photo

२५ असार, हेटौंडा । नेपाली कांग्रेसका प्रवक्ता विश्वप्रकाश शर्माले प्रधानमन्त्री केपी शर्मा ओलीले अदालतलाई दिएको जवाफ अहंकारपूर्ण भएको बताएका छन् ।
संविधानको व्याख्या गर्ने अधिकार सर्वोच्च अदालतको भएको भन्दै उनले संविधान अनुसार आदेश गर्ने अदालतलाई प्रधामन्त्रीले संविधान विपरित भएको भनी टिप्पणी गर्नु अहंकारीपन भएको दाबी गरे । 
उनले विहिबार सर्वोच्च अदालतलाई पठाएको प्रधानमन्त्री ओलीको लिखित जवाफमाथि प्रतिक्रिया दिदै सर्वोच्च अदालतले गरेको आदेशलाई सत्तापक्ष, सरकार वा विपक्षी दल सबैले स्वीकार गर्नुपर्ने बताए ।
प्रधानमन्त्री ओलीले प्रतिनिधिसभा विघटन पछि गरेको मन्त्रीमण्डल पुर्नगठनमा सर्वोच्च अदालतमा परेको मुद्धाको सम्बन्धमा सर्वोच्चदलाई लिखित जवाफ दिदै संर्वोच्च अदालतको आदेश संविधान विपरित भएको बताएका थिए ।
यस्तै कांग्रेस प्रवक्ता शर्माले नेपाली कांग्रेस पार्टी निर्दलियताको अभ्यासमा जान खोजेको भनि टिप्पणी गर्नेहरुलाई त्यसबारे लाञ्छित गर्ने कुरा आफुहरुलाई स्वीकार्य नहुने चेतावनी दिए । उनले संविधानको धारा ७६ को ५ मा भएको व्यवस्था पार्टीले जोगाउन नसके सांसदले संसद जोगाउन सक्ने व्यवस्था भएको स्पष्ट पारे ।