मुख्यमन्त्री पौडेलले भने:' प्रदेश सरकारको कामले गतिलिन कार्यालय व्यवस्थित हुनुपर्छ'

६ साउन,हेटौंडा। बागमती प्रदेशका मुख्यमन्त्री डौरमणी पौडेलले प्रदेश सरकारलाई काम गर्न र गरेको कामले गतिलिन सरकार र सरकार मताहतका कार्यालय व्यवस्थित हुनुपर्ने कुरामा जोड दिएका छन।  

बुधाबार अपरान्ह हेटौंडा-११सिमलटारमा बागमती प्रदेश यातायात पूर्वाधार निर्देशनालयको नवनिर्मित भवन उदघाटन कार्यालयमा बोल्दै मुख्यमन्त्री पौडेलले प्रदेश सरकारले गरेको काम र कामले गति लिन कार्यालय भवन व्यवस्थित हुनुपर्ने कुरा बताएका हुन।  

उदघाटन कार्यक्रममा बोल्दै मुख्यमन्त्री पौडेलले हाल प्रदेश सरकारको विभिन्न मन्त्रालय तथा कार्यालयले संघिय सरकारको भवनबाट सेवा दिइरहेको अब छिट्टै प्रदेश सरकारको लगानीमा भवन बन्न सुरु गरिसकेकोले आफ्नै भवनबाट सेवा दिन कुरा पष्टयाएका छन।उनले निर्माण व्यवसायीलाई सम्झौता भएअनुसार समयमानै काम नसक्दा सरकारले गति लिन नसकेको बताए। 

"सरकारको कामले गति लिन नसकेको उदाहरण हेर्न टाढा जानै पर्दैन,हेटौंडा-९ र हेटौंडा१३ जोड्ने कुख्रेनी खोलामा ८ बर्ष अघीबाट निर्माण सुरु भएको पुल अहिले सम्म निर्माण सम्पन्न नहुने निर्माण व्यवसायीको लापरबाहीको परकाष्टा हो अब भन्नुुस के सरकारले काम नगरेको हो त?- मुख्यमन्त्री पौडेलले भने।

उनले सबै क्षेत्र,वर्गको सहयोग भयो भने तिनै तहको सरकारको कामले गति लिने कुरामा प्रष्ट पारेका छन।पौडेलले आज उदघाटन गरिएको यातायात पूर्वाधार निर्देशनालयको भवन प्रदेश सरकारको लगानीमा निर्माण भएको सरकारको पहिलो आफ्नै भवन समेत भएको बताए।