नेकपा एमालेमा अध्यक्ष र केन्द्रीय सदस्य निर्वाचित गर्ने प्रस्ताव

२६ साउन, हेटौंडा । नेकपा (एमाले)ले महाधिवेशनबाट अध्यक्ष र केन्द्रिय सदस्यहरुमात्रै निर्वाचित गर्ने गरी विधान संशोधन प्रस्ताव तयार पारेको छ । बैैठकले महाधिवेशनबाट अध्यक्ष र केन्द्रिय सदस्यहरुमात्रै निर्वाचित हुने गरी विधान संशोधन प्रस्ताव तयारी पारेको प्रवक्ता प्रदीप ज्ञवालीले जानकारी दिए ।
ललितपुरको च्यासलस्थित तुलसीलाल स्मृति प्रतिष्ठान भवनमा सोमबार बसेको पार्टीको केन्द्रिय समिति बैठकले प्रस्ताव गरेको विद्यान संसोधन प्रस्ताव पार्टीको तल्लो निकायसम्म छलफलका लागि पठाउने निर्णय भएको पनि प्रवक्ता ज्ञवालीले बताए ।
प्रस्तावित विधान अनुसार अध्यक्ष र केन्द्रीय सदस्यको निर्वाचन पछि अध्यक्ष बाहेकका अन्य पदाधिकारीको चयन पार्टी केन्द्रिय समितिले गर्ने प्रस्ताव पनि संशोधनका लागि तयार पारिएको प्रवक्ता ज्ञवालीको भनाई छ । 
संसोधन प्रस्ताव पारित भए अब नेकपा एमालेमा अध्यक्ष १, उपाध्यक्ष २, महासचिव १, उपमहासचिव २ र सचिवहरु ७ जना रहने छन् भने अध्यक्ष बाहेकका पदाधिकारीको चयन केन्द्रीय समितिले गर्ने छ ।
एक महिना पार्टीको तल्लो कमिटीले छलफल गरेपछि सो प्रस्तावित विधान आगामी भदौं २७ र २८ गते हुने एमालेको विधान महाधिवेशनले पारित गर्ने प्रवक्ता ज्ञवालीले जानकारी दिए ।
प्रस्तावित विधान मस्यौदामा महाधिवेशन प्रतिनिधि परिषदको व्यवस्था गरिएको छ भने केन्द्रिय कमिटी, पोलिटव्यूरो र सचिवालय मात्रै रहने व्यवस्था पनि गरिएको छ । स्थायी समिति भने विधानबाट हटाउने प्रस्ताव गरिएको प्रवक्ता ज्ञवालीले बताए ।
प्रस्तावित विधानमा पाँच वर्षमा पार्टीको राष्ट्रिय महाधिवेशन गर्ने, प्रदेश अधिवेशन ४ वर्षमा, ३ वर्षमा जिल्ला अधिवेशन र अन्य कमिटीहरुको अधिवेशनमा २÷२ वर्षमा गर्ने पनि प्रस्ताव गरिएको एमालेले जनाएको छ । बैठकले स्थायी समिति बैठकले भदौ २७ र २८ गते विधान महाधिवेशन गर्ने भनि तयार पारेको प्रस्तावलाई पनि अनुमोदन गरेको छ ।