आफु मुख्यमन्त्री भएकै कारण हेटौंडाले काचुली फेरेको पौडेलको दावी

३ भदौ, हेटौंडा । बागमती प्रदेशका निवर्तमान मुख्यमन्त्री डोरमणी पौडेलले आफु मुख्यमन्त्री भएकै कारण हेटौंडाले काचुली फेरेको दावी गरेका छन् । 
बागमती प्रदेशको मुख्यमन्त्रीबाट बहिर्गमनपछि आयोजित पत्रकार सम्मेलनमा बोल्दै उनले आफ्नो नेतृत्वको सरकारले हेटौंडाको आमूल परिवर्तन गरेको ठोकुवा गरे । 
४२ महिना बागमती सरकारको नेतृत्व गर्दा हेटौंडालाई प्रदेशको स्थाई राजधानि, स्वास्थ्य क्षेत्रमा आमुल परिवर्तन, मुख्यमन्त्री स्वास्थ्य कार्यक्रम लागू, मदन भण्डारी स्वास्थ्य विज्ञान प्रतिष्ठानको स्थापना, प्रदेश भित्रका अस्पतालमा उपचार पद्धतिमा परिवर्तन लगाएतको काम गरेको दावी गरे । 
निवर्तमान मुख्यमन्त्री पौडेलले प्रतिकुलताबीच पनि साढे ३ वर्ष काम गर्दा असन्तुष्ट हुनुपर्ने कुनैपनि कारण नरहेको दावी गर्दै अरु प्रदेशको भन्दा बागमती प्रदेशमा बढी काम भएको पनि दावी गरे । 
यस्तै पौडेलले बामगती प्रदेशको मुख्यमन्त्रीबाट कसैको दबाब र प्रभावबाट राजीनामा नदिएको दावी गर्दै नेकपा एमाले पार्टी फुट्ने समयमा प्रदेशबाट सकारात्मक सन्देश दिन आफुले राजिनामा दिएर मार्ग प्रसस्त गरेको बताए ।
उनले जनादेशबाट निर्वाचित प्रधानमन्त्रीलाई काम गर्न नदिएर आप्mनै भनौदाहरुले जबरजस्ति बहिर्गमन गर्न बाध्य पारेको उल्लेख गर्दै कम्युनिष्ट आन्दोलनलाई जागाईराख्न पनि आफुले राजिनामा दिएको दावी गरे ।
निर्वतमान मुख्यमन्त्री पौडेलले अहिले बागमती प्रदेश सरकारको नेतृत्व मात्रै परिवर्तन भएको उल्लेख गर्दै एमाले बिभाजानले सरकामा कुनै असर नपर्ने ठोकुवा गरेर । उनले माधव नेपाल समुहमा गएका सबै बागमती प्रदेशका सदस्यले विथड्र गरिसकेको दावी गर्दै दल विभाजनले एमालेको एकल बहुमत रहेको सरकारलाई कुनै असर नपर्ने बताए ।