नेपाली महिलाको अवस्था परिवर्तनमा स्व. सिंहको योगदान अतुलनियः नेतृ डीना

११ भदौ, हेटौंडा । नेपाल महिला संघकी संस्थापक अध्यक्ष मंगलादेवी सिंहको २५ औं स्मृति दिवसको अवसर पारेर नेपाल महिला संघ इन्द्रसरोवर गाउँपालिका, मकवानपुरले विशेष कार्यक्रमको आयोजना गरेको छ ।
नेपाली कांग्रेस केन्द्रीय सदस्य महालक्ष्मी उपाध्याय ‘डीना’को प्रमुख आतित्थ्यतामा भएको कार्यक्रममा स्व.सिंहले नेपालको महिला आन्दोलनमा पुर्याएको  योगदानको स्मरण गरिएको थियो । 
कार्यक्रममा प्रमुख अतिथि एवं केन्द्रीय सदस्य डीनाले नेपाली महिलाको परिवर्तित अवस्थामा स्व. सिंहको ठूलो योगदान रहेको उल्लेख गर्दै नेपाली महिलाको आजको आर्थिक, सामाजिक र राजिनितिक परिवर्तनको मुख्य व्यक्ति स्व. सिंह भएको दावी गरिन । 
उलने नेपालको संविधानले राज्यका हरेक नीति निर्माण तहमा महिलाको ३३ प्रतिशतको सुनिश्चितता गरेको स्मरण गराउँदै संघीय संसदमा महिलाको ३३ प्रतिशत, प्रदेश सरकारमा ३४.५ प्रतिशत र स्थानीय तहमा ४१ प्रतिशतको उपस्थिति हुनुमा स्व. सिंहकोले उठाएको आवाज र उनको योगदान रहेको दावी गरिन । 
नेतृ डीनले नेपालको राजनीति र महिला आन्दोलनमा स्व.मगंलादेवी सिंहको योगदान कहिल्यै भुल्न नसकिने र भुल्न नहुने बताइन । नेपाल महिला संघ ईन्द्रसरोवर गाउँपालिका सभापति निर्मला भ्लोन को सभापतित्वमा भएको कार्यक्रममा नेपाली कांग्रेस हेटौंडा नगरसभापति आनन्दराम पराजुली लगाएत ईन्द्रसरोवर गाउँपालिकाका कांग्रेसका नेता तथा कार्यकर्ताहरुको उपस्थिति रहेको थियो ।