कांग्रेस हेटौँडा-८ मा भुपेन्द्र कोइराला नेतृत्वको प्यानल नै विजयी

२१ भदौं, हेटौंडा । नेपाली कांग्रेस हेटौंडा वडा नम्बर ८ को सभापतिमा भुपेन्द्र कोइराला निर्वाचित भएका छन।आइतबार साँझ सम्पन्न नेपाली कांग्रेस हेटौंडा ८ नम्बर वडाको अधिवेशनले नयाँ कार्य समितिमा कोइरालाको नेतृत्व प्यानलनै निर्वाचित भएको हो । 

सहमति हुन नसकेपछि वडा सभापति सहित उपसभापति, सचिव, सहसचिव, सदस्य पद खुल्ला सदस्य पद महिला, क्षेत्रीय प्रतिनिधि(खुल्ला), क्षेत्रीय प्रतिनिधि (महिला), क्षेत्रीय प्रतिनिधि(खस आर्य), क्षेत्रीय प्रतिनिधि(दलित), क्षेत्रीय प्रतिनिधि(खस आर्य महिला), क्षेत्रीय प्रतिनिधि (आदिबासी जनजाती महिला) पदमा भएका निर्वाचन भएको थियो । 

कोइरालाले सभापति पदका अर्का प्रत्यासी रत्नमणी बगालेलाई ३३ मतान्तरले पराजित गर्दै वडा सभापति पदमा निर्वाचित भएका हुन । सोमबार बिहान सकिएको मतगणना अनुसार कोइरालाले ११९ मत प्राप्त गर्दा बगालेले ८६ मत प्राप्त गरेको मतदान अधिकृत मन्दिरा फुयाँलले जानकारी दिएकी छिन । 

क्षेत्रीय प्रतिनिधिमा कांग्रेस मकवानपुरका पुर्व सभापति रघुरमण न्यौपाने सहित ११ जनाको उम्मेदवारी परेको छ । क्षेत्रीय प्रतिनिधि(खुल्ला) तर्फ रघुरमण न्यौपाने, गंगा प्रसाद पौडेल, विष्णुप्रसाद ढुङ्गाना, राम थापा, रामकृष्ण बानियाँ र तारानाथ चौलागाई निर्वाचित भएका छन। 

त्यसैगरी क्षेत्रीय प्रतिनिधि (महिला)मा लक्ष्मी गौतम,मिरा सापकोटा र लक्ष्मी श्रेष्ठ निर्वाचित भएका छन । त्यसैगरी क्षेत्रीय प्रतिनिधि(खस आर्य) मा भरतराज न्यौपाने र नरहरि पुडासैनी निर्वाचित भएका छन। क्षेत्रीय प्रतिनिधि(दलित)मा राम बहादुर पोडे, क्षेत्रीय प्रतिनिधि(खस आर्य महिला)मा रेणुका लामिछाने(ढुङ्गेल), क्षेत्रीय प्रतिनिधि(आदिबासी जनजाती महिला) मा सोममाया डिमडुङ निर्वाचित भएका हुन। निर्वाचित एक जना बाहेक सबै कोइराला नेतृत्व प्यानलका रहेका छन । सहमति हुन नसकेपछि जिल्ला कार्य समिति र क्षेत्रीय प्रतिनिधिमा निर्वाचन भएको मतदान अधिकृत फुयाँलले बताइन ।