अल्पमतमा रहेकी मुख्यमन्त्री शाक्य मन्त्रिमण्डल बिस्तार गर्दै

२३भदौं,हेटौंडा। एमाले सांसद र मन्त्रीले साथ छाडेसँगै अल्पमतमा परेकी बागमती प्रदेशकी मुख्यमन्त्री अष्टलक्ष्मी शाक्य मन्त्रिमण्डल विस्तारको योजनामा रहेकी छिन। 

एमाले विभाजनपछि माधव कुमार नेपाल निकटी मानिएकी शाक्य भदौं २ गते  एमालेनै रोजेर नेकपा एमालेको बहुमतका आधारमा मुख्यमन्त्री भएपनि बागमती प्रदेशसभाका एमालेबाट निर्वाचित १३ जना सांसदले नेकपा एस रोजेपछि अल्पमतमा परेकी छिन।

प्रदेशसभाको अधिवेशन अन्त्य गरेर सत्ता टिकाउन प्रयासरत शाक्यले बुधबार साँझ सम्म मन्त्रिमण्डल विस्तारको योजनामा रहेको बुझिएको छ।२ मन्त्री नियुक्त गरी मन्त्रिमण्डल चलाउदै आएकी शाक्य नेतृत्व सरकारका मन्त्री कृष्ण शर्मा खनालले एमाले त्यागी मन्त्रीबाट राजीनामा दिएर  नेकपा एस रोजेसँगै एक सदस्य मन्त्रिमण्डलमा सीमित भएकी उनले आज साँझ सम्म मन्त्रिमण्डल विस्तार गर्ने मुडमा रहेको श्रोतले बताएको छ। 

उनले मन्त्रालय फुटाएर माधव कुमार नेपाललाई छोडेर एमालेमै रहेका सांसदहरु प्रदिप कटुवाल, शान्ति पौडेल,रचना खड्का र विजय सुवेदी मन्त्री बनाउने योजना रहेकी छिन। निवर्तमान मुख्यमन्त्री डोरमणी पौडेल नेतृत्व सरकारमा अटाउन नसकेकी एमाले सांसद जुनेलीमाया श्रेष्ठलाई पनि मन्त्री बनाउने लगभग पक्का भएको श्रोतले बताएको छ। 

आफै अल्पमतमा रहेकी शाक्यको मन्त्रिमण्डल विस्तार अल्पकालीन रहेको भन्दै उनी नेतृत्व सरकार धेरै दिन नटिक्ने गठबन्धन दलका एक सांसदले पष्टखबरलाई बताएका छन। आफुले नियुक्त गराएको मन्त्रीले साथ छोडेसँगै उल्पमतमा परेकी शाक्यले एक महिनाभित्रै प्रदेशसभाबाट विश्वासको मत लिनुपर्नेछ।