वीपी जयन्तीका अवसरमा हेटौंडामा वीपीको योगदानको चर्चा

२५ भदौ, हेटौंडा । नेपालका प्रथम जननिर्वाचित प्रधानमन्त्री एवम् नेपाली कांग्रेसका संस्थापक वीपी कोइरालाको १०८ औं जन्म जयन्तीको अवसरमा हेटौंडामा कोईरालाको योगदानको चर्चा गरिएको छ । 
बिहीबार कांग्रेस मकवानपुरले आयोजना गरेको विचार गोष्ठी कार्यक्रममा उनको योगदानको चर्चा गरिएको हो । कार्यक्रमका वक्ताहरुले नेपालको राजनीति र साहित्य क्षेत्रमा योगदान पु¥याएका विपी कोइरालाको योगदानलाई भुल्न नहुने बताएका थिए । पछिल्लो समय कांग्रेसमा आदर्शको राजनीति हराउँदै गएको र वीपीले स्थापना गरेको नैतिक आदर्श कांग्रेसहरुले नै भुल्दै गएको भन्दै चिन्ता व्यक्त गरेका थिए ।
कार्यक्रममा कांग्रेस मकवानपुरका कार्यबाहक सभापति बिष्णुप्रसाद लामिछानेले राष्ट्रियता, प्रजातन्त्र र समाजवाद स्थापनाका लागि वीपीको भूमिका अहम् रहेको उल्लेख गर्दै वहाँको सिद्धान्त आज पनि उत्तिकै जीवन्त रहेको बताए । 
कार्यक्रममा कांग्रेस मकवानपुरका प्रमुख सल्लाहकार माइकल रामचन्द्र अर्याल, प्रवक्ता प्रदीप कोइराला, जिल्ला सदस्य महेन्द्र राउत, सल्लाहकारद्वय अशोक शाक्य र उमा दाहाल लगायतले मन्तव्य व्यक्त गरेका थिए । 
कार्यक्रममा कांग्रेस मकवानपुरका सल्लाहकार प्रभातकुमार दाहाल, जिल्ला सचिव आनन्द कठायत, सहसचिव रामबाबु बानियाँलगायतको आतिथ्यता रहेको थियो ।