बाढीपहिरो प्रभावितको व्यवस्थापनमा लाग्न प्रधानमन्त्रीको निर्देशन

४ कार्तिक, हेटौंडा । प्रधानमन्त्री शेरबहादुर देउवाले बाढी, पहिरो प्रभावित नागरिकलाई तत्काल उद्धार तथा सुरक्षित ठाउँमा व्यवस्थापन गर्न प्रमुख जिल्ला अधिकारी तथा सुरक्षा प्रमुखहरूलाई निर्देशन दिएका छन् ।
बाढीपहिराले पु¥याएको क्षतिको अवस्थाबारे जानकारी लिन कर्णाली र सुदूरपश्चिम प्रदेशको स्थलगत निरीक्षणमा पुगेका प्रधानमन्त्री देउवाले प्रभावितहरूलाई सरकारले राहत दिने तथा बाढी–पहिरोले घर भत्किएकाहरूको घर निर्माणका लागि आर्थिक सहयोग दिने प्रतिवद्धता व्यक्त गरेका छन् ।
प्रधानमन्त्री देउवाले कर्णाली र सुदुरपश्चिम प्रदेशमा बाढीपहिराले पुरयाएको क्षतिबारे प्रदेश सरकार र सुरक्षा निकायका प्रमुखबाट जानकारी लिएका छन् । उनले बाढी र पहिरो प्रभावितलाई कुनैपनि प्रकारको समस्या हुन नदिन सरकार तयार रहेको उल्लेख गर्दै जतिसक्दो छिटो प्रभावितहरुको व्यवस्थापनमा लाग्न निर्देशन दिए ।
प्रधानमन्त्री देउवा नेतृत्वको टोलीमा अर्थ मन्त्री जनार्दन शर्मा, संस्कृति, पर्यटन तथा नागरिक उड्डयन मन्त्री प्रेम आले लगाएतका रहेका छन् । 
वेमौसमी वर्षा पछि आएको बाढीपहिरो र डुबानबाट विहीबार बिहानसम्ममा मुलुकका विभिन्न जिल्लामा गरी ८८ जनाको मृत्यु भएको छ भने ३० जना बेपत्ता भएका छन् । अधिकांशको पहिराका कारण ज्यान गएको हो ।