नेकपा एमाले मकवानपुरको वडा अधिवेशनबाट वडा नम्बर २, ३, ४, ७ र १३ मा नयाँ नेतृत्व चयन

google

६ कार्तिक, हेटौंडा । नेकपा एमालेको १० औं माहाधिवेशन अन्तर्गत शनिवारबाट स्थानिय तह अन्तर्गतको अधिवेशन सुरु भएको छ ।
जसअन्तर्गत शनिवार मकवानपुरका १०२ वडामा नयाँ नेतृत्व चयन प्रकृया थालिएको छ । यसैविच नेकपा एमाले हेटौंडा उपमहानगरपालिका वडा नम्बर २, ३, ४, ७ र १३ नम्बर वडा कमिटिको वडा अधिवेशन शनिवार सम्पन्न भएको छ ।
हेटौंडा उपमहानगरपालिका २ नं वडा कमिटिको अधिवेशनले रामकृष्ण तिमिल्सिनाको अध्यक्षतामा ३४ सदस्य कमिटि निर्बिरोध चयन गरेको छ । कमिटिको उपाध्यक्षमा मिन राज पौडेल, सचिवमा रेणु श्रेष्ठ (गरुङ्ग), सहसचिवमा रामप्रसाद ढोडारी र विषलाल खड्गी निर्बिरोध चयन हुनु भएको छ ।
त्यस्तै ३ नम्बरमा पनि माधव बर्तौलाको अध्यक्षतामा ३५ सदस्य कमिटि निर्बिरोध गठन गरेको छ । कमिटिको  उपाध्यक्षमा राजेन्द्र बर्तौला, सचिवमा बसन्तकुमार घलान, सहसचिवमा ईन्दिरा थपलिया र देबेन्द्र बर्तौला निर्बिरोध चयन हुनु भएको छ । 
यसैगरी ४ नम्बर वडामा राजेन्द्र बास्ताकोटीको अध्यक्षतामा ४१ सदस्यि वडा कमिटी गठन भएको छ । कमिटीको उपाध्यक्षतामा नानीराम अर्याल, सचिवमा  प्रकाश सुबेदी, सहसचिवमा विक्रम लामिछाने र गिता त्रिपाटी रहनुभएको छ ।
नेकपा एमाले हेटौंडा उपमहानगरपालिका वडा नम्बर ७ को अध्यक्षतामा कुलप्रसाद त्रिपाठी चयन भएका छन् । अधिवेशनले त्रीपाठीको अध्यक्षतामा ४१ सदस्यीय वडा कमिटी निर्माण गरिएको हो । कमिटीको उपाध्यक्षमा उर्मिला लामा, सचीवमा सुशील सुबेदी, सहसचिवहरुमा किरण लामिछाने र रेखा मैनाली चयन भएका छन् ।
यस्तै शनिवार नै भएको वडा अधिवेशनले नेकपा एमाले हेटौंडा–१३ नम्बर वडामा भिमबहादुर थिङलाई अध्यक्षमा चयन गरेको छ । थिङको अध्यक्षतामा चयन भएको ३७ सदस्यीय कमिटीको उपाध्यक्षमा आशिष थापा, सचिवमा उद्धब दङ्गाल, उपसचिव बिष्णु परियार, उपसचिव बिष्णु हरि मिश्र रहेका छन् ।