जनकपुर घटनाका दोषीलाई कारबहीको माग गर्दै ईन्जिनियरुहरुले बुझाए ज्ञापन पत्र

८ कार्तिक, हेटौंडा । संघीय खानेपानी तथा ढल व्यवस्थापन आयोजना कार्यालय, जनकपुरमा कार्यरत निमित्त आयोजना प्रमुख ईन्जिनियर राजेश कुशवाहा माथी भएको अभद्र व्यवहारका दोषीलाई कडा भन्दा कडा कारबाहीको माग गर्दै ईन्जिनियरहरुले आन्तरिक मामिला तथा कानुन मन्त्रालय बागमती प्रदेश र जिल्ला प्रशासन कार्यलय मकवानपुर मार्फत गृहमन्त्रालयलाई ज्ञापन पत्र बुझाएका छन् ।
सेन्टर फर डेमोक्रेटिक ईन्जिनियर्स नेपाल सिडेन बागमती प्रदेश र नेपाल ईन्जिनियर्स एसोसिएसन बागमती प्रदेशले संयुक्तरुपमा घटना प्रति गम्भिर ध्यानाकर्षण भएको भन्दै आइतबार ज्ञापन पत्र बुझाएका हुन् । 
उनीहरुले सि.के. राउत नेतृत्वको जनमत पार्टीका कार्यकर्ताहरुले ईन्जिनियर कुशवाहामाथी नृशंस तरिकाले दुव्र्यवहार गरेको भन्दै उनीहरुको उक्त कृयाकलाप अक्षम्य अपराधिक कुकर्म भएकाले जतिसक्दो कडा भन्दा कडा कारवाहीको माग गरेका छन् । 
ज्ञापन पत्रमा कुनैपनि राजनितिक दलको नाममा एकजना राष्ट्रसेवक कर्मचारीलाई आफ्नो कर्तव्य पालनाको शिलसिलामा देशको कानुनलाई समेत हातमा लिइ भएको व्यवहारले कानुनी राज्यको समेत खिल्ली उडाएकोले अव उपरान्त यस्ता घटना नदोहोरिने प्रतिवद्धा सहित राज्यको तर्फबाट आश्वस्त पार्न र पेशागत सुरक्षाको ग्यारेन्टी गर्न माग गरिएको छ ।
यसैविच ईन्जिनियरहरुले जनकपुर घटनाको विरोधमा आज सोमबार विहान १० बजेदेखि १२ बजेसम्म दुई घण्टा हातमा कालो पट्टी बाधेर २ घण्टा पेन डाउन गर्ने सेन्टर फर डेमोक्रेटिक ईन्जिनियर्स एसोसिएसन बागमती प्रदेशका सचिव ईन्जिनियर विक्रम खतिवडाले जानकारी दिए ।