तामाङ पत्रकार संघ मकवानपुरमा मुक्तानको नेतृत्व

१२ कार्तिक, हेटौंडा । तामाङ पत्रकार संघ मकवानपुरको अध्यक्षमा जयराम मुक्तान चयन भएका छन् । शुक्रबार हेटौंडामा भएको अधिवेशनले मुक्तानको अध्यक्षतामा ९ सदस्यीय नयाँ कार्यसमिति चयन गरेको हो । 
संघको उपाध्यक्षमा सुनु थिङ, सचिव सन्देश थिङ, कोषाध्यक्ष भुवन घलान, सहसचिव सुनसानी थिङ तथा सदस्यमा रबिन्द्र वाईवा, ईमान घलान, मेनुका बल र जमुना थिङ चयन भएका छन् । 
हेटौंडा उपमहानगरपालिकाका उपमेयर मीनाकुमारी लामाको प्रमुख आथित्यता एवम् तामाङ पत्रकार संघका कार्यबाहक अध्यक्ष जनक लामाको अध्यक्षतामा कार्यक्रम भएको हो । कार्यक्रममा नेपाल तामाङ घेदुङ बागमती प्रदेश अध्यक्ष लिलाकुमार घलान, नेपाल पत्रकार महासंघ बागमति प्रदेश महासचिव कृष्ण सारु मगर, नेपाल पत्रकार महासंघ मकवानपुरका अध्यक्ष मणिराज  गौतम, नेपाल तामाङ घेदुङ मकवानपुरका सचिव आत्मराम मोक्तान लगाएतले मन्त्व्य व्यक्त गरेका थिए ।
कार्यक्रममा तामाङ पत्रकार संघका केन्द्रीय सदस्य दुदुमाया सिन्तान, नेपाल आदिवासी जनजाति पत्रकार महासंघ (फोनिज) मकवानपुरका उपाध्यक्ष अशोकसुजन श्रेष्ठ, सचिव नवराज वाईवा, तामाङ पत्रकार संघ मकवानपुरका संस्थापक अध्यक्ष आदर्शसिं थोकर, तामाङ पत्रकार संघ चितवनका अध्यक्ष ज्ञानेन्द्र तामाङलगायतको उपस्थिति रहेको थियो । अधिवेशनमा तामाङ सञ्चार समुह मकवानपुरका संस्थापक  अध्यक्ष आदर्शसिं थोकरलाई सम्मान गरेको थियो ।