मकवानपुको क्षेत्र नम्बर १ को ‘क’ मा सुशान्त श्रेष्ठको प्यानल घोषणा

२ मंसिर, हेटौंडा । नेपाली कांग्रेसको १४ औं महाधिवेशन अन्तर्गत मंसिर ३ गते भोली शुक्रबार हुने प्रदेश तहको निर्वाचनका लागी उम्मेदावारी घोषणाले तिब्रता पाएको छ ।
मकवानपुरमा भोली शुक्रबार हुन लागेको क्षेत्रीय निर्वाचनका लागि मकवानपुरको क्षेत्र नम्वर १ प्रदेशसभा ‘क’ को सभापति पदका लागी उम्मेदवारी सहित सुशान्त श्रेष्ठले आफ्नो प्यानल घोषणा गरेका छन् । 
बिहिवार पत्रकार सम्मेलन गर्दै उनले मकवानपुरको क्षेत्र नम्वर १ प्रदेशसभा ‘क’ को सभापति पदका लागी आफ्नो उम्मेदवारी रहेको दावी गरेका हुन् । उनको टिमबाट उपसभापतिमा गोपाल न्यासुर र कमला वाइबा, सचिवमा भूमिनन्द गौतम र शंकर पराजुली तथा सहसचिवमा दीपक ढकाल र अमर सोराइली रहेको सभापतिका आकांक्षी श्रेष्ठले जानकारी दिए ।
यसैगरी उनको प्यानलबाट प्रदेश महाधिवेशन प्रतिनिधिमा खुला महिलातर्फ जानुका ठकुरी, समिक्षा बिक, छायाँ अधिकारी, खुला पुरुषतर्फ उद्धब सत्याल, सचित थापा, नवराज खतिवडा, तेजप्रसाद घिमिरे, मोहनप्रसाद ढकाल, धु्रब दुलाल रहेका छन् । 
खसआर्य पुरुषतर्फ बालकृष्ण सापकोटा, आदिवासी जनजाती महिला तर्फ कृति घलान, भानु सोराइली, पुरुषतर्फ भक्तबहादुर राई, दीपकसिंह घलान, नरबहादुर पुलामी तथा दलिततर्फ अनिल बिक र अल्पसंख्यकतर्फ रामशरण माझी उम्मेदवार रहने सभापति पदका उम्मेदवार श्रेष्ठले बताए ।
प्यानल घोषण कार्यक्रममा हेटौंडा उपमहानगरपालिका वडा नम्बर ५ का वडा अध्यक्ष राजेश बानियाँ, ६ का वडा अध्यक्ष अर्जुन चौलागाईं, १५ का वडा अध्यक्ष महारत्न लामा, १६ का वडा अध्यक्ष रामकृष्ण कोइराला क्षेत्रिय सचिव सुवातसिंह थिङ लगाएतको उपस्थिति रहेको थियो ।