क्षेत्र २ को प्रदेश सभा (ख)को सभापतिमा कालाखेती विजयी 

४ मंसिर, हेटौंडा । नेपाली कांग्रेस मकवानपुरको क्षेत्रीय अधिवेशन सम्पन्न भएको छ । शुक्रबार भएको निर्वाचन प्रकृयाबाट मकवानपुरको चार वटै क्षेत्रिय समितिको नेतृत्व टुंगो लागेको छ । 
नेपाली कांग्रेस मकवानपुरको प्रतिनिधि सभा क्षेत्र नम्बर २ को ख को सभापतिमा रञ्जन कालाखेती निर्वाचित भएका छन् । शुक्रबार राति सम्मपन्न मत गणनामा अर्का प्रतिस्पर्धी रामकृष्ण प्रजालाई पछि पार्दै कालाखेती निर्वाचित भएका हुन् । मत परिणाम अनुसार कालाखेतीले २९२ मत पाउँदा प्रजाले २२३ मत पाएका थिए । सभापतिमा कालाखेतीसँगै उनको प्यानलनै विजयी भएको छ ।
उपसभापतिमा भुवन नेगी र रामकुमार वाल्पा थिङ विजयी भएका छन् । यस्तै सचिवमा नवराज पौडेल र कृष्ण योन्जन विजयी हुँदा सहसचिवमा गोपिलाल थिङ र शालिकराम अधिकारी विजयी भएका छन् ।
यस्तै प्रदेश प्रतिनिधिको लागी महिला तर्फ देवकी र यासिका घिसिङ विजयी भएका छन् । खुला तर्फ कविता बर्तौला, कृष्णहरि कालालाखेती, कान्छाराम रुम्बा, निरशंकर लामा, निराजन बर्तौला, वेलबहादुर मुक्तान र रत्न बहादुर ब्लोन विजयी भएका छन् ।
यसैगरी खसआर्य तर्फ जयन्ती पाठक, आदिबासी जनजातिको महिला तर्फ संगीता थिङ र सीता बल विजयी भएकी छिन् भने खुला तर्फ निजन घलान, ठुलोकान्छा लामा र सागर जिम्बा विजयी भएका छन् । यस्तै अल्पसख्ंयकमा विनोदकुमार प्रजा विजयी हुँदा दलित तर्फ लोकबहादुर नेपाली निर्विरोध निर्वाचित भएका छन्  ।