सामुदायिक सेवा केन्द्र मकवानपुर अध्यक्षमा पुन: विष्ट

११ मंसिर,हेटौंडा। हेटौंडा-९ मा रहेको सामुदायिक सेवा केन्द्र मकवानपुरको अध्यक्षमा पुन: राम विष्ट सर्वसम्मत रुपमा अध्यक्षमा चयन भएका छन् 

शनिबार सम्पन्न केन्द्रको १७ औं बार्षिक साधारणसभा तथा १०औ अधिवेशनले बिष्टलाई पुन:तेस्रो कार्यकालका लागि अध्यक्षमा चयन गरेको हो।सबै राजनीतिक दलहरुको सहमतिमा उनी शनिबार हेटौंडामा भएको सातौं अधिवेशनबाट सर्बसम्मत बिष्ट नेतृत्व कार्य समिति नै आगामी कार्यकालका लागि सर्वसम्मत चयन भएका हुन् । 

अधिवेशनबाट पुनः उपाध्यक्षमा बिनोद लामिछाने र सचिवमा रमिला सापकोटा,सह-सचिवमा महेश्वरमान श्रेष्ठ,कोषाध्यक्षमा रामप्रसाद कोइराला सदस्यहरूमा अच्युतराज मिश्र,कपिल अर्याल,नबराज कोइराला लगायत २२ जनाको कार्यसमिति सर्वसम्मत  चयन गरिएको हो। 

अध्यक्ष निर्वाचित भएपछि विष्टले प्रहरी र समुदायसँग मिलेर समाजमा भएका बिकृति, दुब्र्यसनी बिरुद्ध प्रभावकारी अभियान सञ्चालन गरिने बताए ।अधिवेशनमा मकवानपुरका प्रहरी प्रमुख प्रहरी उपरीक्षक सुरेन्द्र बहादुर गुरुङको प्रमुख आतिथ्यता रहेको थियो।कार्यक्रममा केन्द्रलाई एम्बुलेन्स सहयोग गर्ने हेटौंडा उपमहानगरपालिका ५ नम्बर वडा अध्यक्ष राजेश बानियाँ सहित ४ पत्रकार र अन्य व्यक्तीलाई सम्मान पत्र प्रदान गरिएको थियो ।  कार्यक्रममा केन्द्रका निर्वतमान अध्यक्ष कुमार पौडेल, संस्थापक उपाध्यक्ष बासु खतिवडा,पत्रकार महासंघ बागमती प्रदेश समितिका महासचिव कृष्ण सारु मगर, मकवानपुर उद्योग बाणिज्य संघका अध्यक्ष कृष्ण अग्रवाल लगायतले मन्तब्य ब्यक्त गरेका थिए ।