बिद्युतिय बसको कुरा गर्नेले भ्रम छर्न खोजे: मुख्यमन्त्री पाण्डे

१५ मंसिर, हेटौंडा । बागमती प्रदेशका मुख्यमन्त्री राजेन्द्रप्रसाद पाण्डेले बाटोको खाल्डाखुल्डी समेत पुर्न नसक्नेले बिधुतीय बसको कुरा गरेर भ्रमको खेती गर्न खोजेको भन्दै बागमती प्रदेशको पूर्ववर्ति सरकारको आलोचना गरेका छन् । 
मकवानपुर उधोग बाणिज्य संघ हेटौडाले बुधबार आयोजना गरेको स्वागत सम्मान कार्यक्रममा बोल्दै मुख्यमन्त्री पाण्डेले पूर्वपश्चिम राजमार्गमा परेको खाल्डाखुल्डी समेत पुर्न नसक्ने र हेटौंडाको मुख्य राजमार्गको विषयमा सधै अन्यौलता सिर्जना गर्नेले बिधुतीय बस र सुरुङमार्गको बिषय उठाउनु बेकार भएको बताए ।
उनले न्यूनतम आवश्यकता समेत पूरा नगरी बिद्युतीय बस खरिद प्रकृया अगाडी बढाउन खोजिएकोले तत्कालका लागी बिधुतीय बस खरिदको निर्णय स्थगित गरिएको मुख्यमन्त्री पान्डेले दावी गरे । विधुतीय बस खरिद र सुरुङग मार्ग स्थगित गरेको बिषयलाई राष्ट्रघाति, विकास विरोधि कदम भनेर प्रचार गर्न खोजिएको भन्दै उनले अहिले विद्युतीय बस सञ्चालन गर्न खोज्नु भनेको जनकपुरको रेल जस्तै त्रिपाल ओढाएर राख्ने प्रवृति भएको बताए । मुख्यमन्त्री पाण्डेले जनकपुरको रेलको अवस्थाको बारेमा स्मरण गराउँदै जनताको पैसालाई झ्वाम्म खोलामा फाल्न खोज्नु चैं राष्ट्रघाती भएको दावी गरे ।
मुख्यमन्त्री पाण्डेले हेटौडा काठमाडौ सुरुग मार्ग ४ बर्ष बिताउने सरकारले गर्न नसकेको बताउदै १८ अर्बको स्टिमेट रहेको यो ठुलो योजना आफुहरुले १ बर्षमा गर्न नसकने स्पष्ट पारे । कुनै निजि क्षेत्र आएमा बनाउने अनुमती दिनसक्ने जनाउदै बागमती प्रदेश सरकारले एक रुपैया पनि दिन सक्ने अबस्था नरहेको बताए । आगामी मंसीर १९ गते क्याबिनेट बैठक बोलाएर बाटो स्तरिकरण, ट्राफिक व्यवस्थापन, लगाएतका बिषयमा निर्णय गरिने मुख्यमन्त्री पाण्डेको भनाई थियो ।
हेटौंडा बजार क्षेत्रको सडक विस्ताकारको विषयमा मुख्यमन्त्री पाण्डेले सडकको सेन्टर लाइनबाट दायाँबायाँ २५ मिटर सडक फराकिलो बनाउनु कानुनी बाध्यता रहेको बताउँदै तर बैकल्पिक बाटो खोजेर जनताको चाहना अनुसार अघि बढ्ने सबैले पहल गर्नुपर्नेमा जोड दिए ।
मउबा संघका अध्यक्ष कृष्णकुमार गुप्ताको अध्यक्षतामा भएको कार्यक्रममा अध्यक्ष अग्रवालले सडक बिस्तारको समस्या, नापतौलको समस्या, दोस्रो औद्योगिक क्षेत्र बिस्तार हुन नसकेको अबस्थाका बारेमा मुख्यमन्त्री पाण्डेलाई ध्यानकर्षण गराएका थिए ।

कार्यक्रममा प्रदेश सरकारका मन्त्रीहरु शालिकराम जम्कट्टेल, कुमारी मोक्तान, कृष्णप्रसाद शर्मा खनाल उपस्थित थिए । कार्यक्रममा नेपाल उद्योग वाणिज्य महासंघका केन्द्रीय सदस्य अरुणराज सुमार्गी, मकवानपुर उद्योग वाणिज्य संघका निवर्तमान अध्यक्ष कृष्ण कटुवाल लगायतले हेटौंडाको समस्या र उद्योगी व्यवसायीको समस्या बारे मुख्यमन्त्री र मन्त्रीहरुलाई जानकारी गराएका थिए ।