थाहामा एमाले–माओवादीको भेला

२४ कार्तिक, हेटौँडा । मकवानपुरको थाहा नगरपालिकामा नेकपा एमाले र नेकपा माओवादी केन्द्रको नगर स्तरीय संयुक्त कार्यकर्ता भेला सम्पन्न भएको छ । माओवादी केन्द्र थाहा नगर कमिटि संयोजक अरुण रायमाझीको सभापतित्वमा भएको भेलामा मकवानपुरको क्षेत्र नम्बर २ बाट प्रतिनिधिसभाका लागि उम्मेदवार बिरोध खतिवडाको प्रमुख आतिथ्य एवम् प्रतिनिधि सभा २ को प्रदेश सभा क की उम्मेदवार कुमारी मोक्तानको बिषेश आतिथ्यमा भएको हो ।
दुवै उम्ेदवारले बाम गठबन्धनलाई जिताउनका लागि ढुक्क भएर मतदान गर्नका लागि आग्रह गरे । कार्यक्रममा प्रमुख अतिथि खतिवडाले नेपालमा पटक पटक बहुमत ल्याएर राष्ट्रिय महत्वका योजानाहरु निजी करण गर्ने नाममा खतम वनाउने देखि जनताले ल्याएको बहुदलीय व्यबस्था राजालाई किस्तीमा राखेर बुझाउने कांग्रेसले राष्ट्रको हित गर्दैन भन्ने प्रस्ट भएको बताए । 
यस्तै मोक्तानले नेपालमा जनता जहिले कम्युनिष्टको साशन चाहने भएकोले वामपन्थीहरुको मतदाता बढी भए पनि बेग्ला बेग्लै भएर जाँदा यो सम्भव नभएको हो । ६० प्रतिसत भन्दा बढी नेपाली जनता सुशासन सहित जनताको हितगर्ने बाम गठबन्धनको सरकार चाहेको धेरै भइसक्यो यो अवस्वथालाई बुझेर समझदारीको साथ अगाडी बढ्नु पर्ने वताए । 
कार्यक्रममा नेकपा माओवादी जिल्ला पार्टि सचिवालय सदस्य क. बिष्णु बिष्ट आदर्श, नेकपा एमाले जिल्ला पार्टि सचिवालय सदस्य क. बिष्णु प्रसाद ढकाल, थाहा नगरपालिकाका मेयर तथा नेकपा माओवादी जिल्ला कमिटि सदस्य लबसेर बिष्ट लगायतले मन्तव्य व्यक्त गरेका थिए ।
भेलाले अरुण रायमाझी संयोजक तथा सानोकाजी गोपाली सह–संयोजक रहनेगरी ५ सय १ जनाको थाहा नगरस्तरीय निर्वाचन परिचालन कमिटि गरेको छ भने महेश्वर सुवेदी संयोजक तथा बिष्णु गोपालीको सह संयोजकत्वमा १ सय १ सदस्यीय अनुगमन समिति गठन गरेको छ ।