विश्वज्योतिको भवन उदघाटन

११ मंसिर, हेटौंडा । विश्वज्योति अाधारभुत विद्यालयको हेटौंडा-१५ चिप्लेटीको भवन उद्घाटन कार्यक्रम सम्पन्न भएको छ ।

मध्यमाञ्चल क्षेत्रीय शिक्षा निर्देशनालय हेटौंडाका निर्देशक दिनेश श्रेष्ठको प्रमुख अातिथ्यता एवम् विद्यालयका अध्यक्ष चन्द्रबहादुर घलानको सभाध्यक्षतामा कार्यक्रम भएको हो । कार्यक्रममा पूर्व प्रधानाध्यापकहरू कुलप्रसाद गौतम र शिवप्रसाद गौतमलाई सम्मान गरिएको थियो । कार्यक्रममा बालकल्याण नेपालबाट विद्यार्थीका लागि स्वेटर हस्तान्तरण गरेको थियो ।

कार्यक्रममा हेटौंडा वडा नम्बर ६ का अध्यक्ष अर्जुनप्रसाद चौलागाईं, पूर्व प्रधानाध्यापक कुलप्रसाद गौतम, जनज्योति मावि स्रोतकेन्द्रका स्रोतव्यक्ति भोगेन्द्र लुईटेल, चुरियामाई माविका अध्यक्ष सुनिल मोक्तान, जिल्ला शिक्षा कार्यालय भुकम्प पूर्ननिर्माण कार्यान्वयन ईकाईका प्रमुख नारायण पौडेल, शिक्षक अभिभावक संघका पूर्ब अध्यक्ष बीरमान घलान, शिक्षिका दुर्गा घलान लगायतले मन्तव्य गरेका थिए ।

२ कोठे भवन २० लाख रूपैया लागतमा भवन निर्माण भएको विद्यालयका प्रधानाध्यापक रिपुप्रसाद गौतमले बताए । मकवानपुर र बाराको सिमानामा रहेको विद्यालयमा २ सय ६० विद्यार्थी अध्ययनरत छन् ।