लोकतन्त्र संस्थागत गर्न वामगठबन्धनको जित अनिबार्य : पौडेल

११ मंसिर, हेटौंडा । वामगठबन्धनका तर्फबाट मकवानपुर प्रतिनिधि सभा क्षेत्र नम्बर १ प्रदेश ख का उमेद्वार डोरमणी पौडेलले लोकतन्त्र संस्थागत गर्नका लागि वामगठबन्धनको जित अनिबार्य भएको बताएका छन् । 
मंसिर २१ गते हुने निर्बाचनको लागि प्रचारप्रसारमा हेटौंडा १२ मा जनताको घरदैलोमा पुगेका पौडेलले लोकतन्त्रको रक्षा वामगठबन्धनले मात्र गर्ने बताए । लोकतन्त्रको स्थापनाको लागि वामशक्तिको निर्णायक भुमिका रहेको भन्दै पौडेलले मकवानपुरलाई वामगठबन्धनको लालकिल्ला बनाउनुपर्ने बताए । अहिले संविधान बनाउन वामशक्तिहरु एक भएको स्मरण गर्दै उमेद्वार पौडेलले संबिधानको स्थायित्व पनि वामगठबन्धनले मात्र गर्ने बताए ।
कार्यक्रममा नेकपा एमालेका अध्यक्ष एबम् निर्बाचन परीचालन कमिटिका संयोजक मुनु सिग्देल, समानुपातिक उमेद्वार जुनेली श्रेष्ठ, प्रतिनिधि सभा क्षेत्र नम्बर १ का निर्बाचन परीचालन कमिटिका सहसंयोजक भिम पाख्रिन, हेटौडा उपमहानगरपालिकाका उपमेयर मिना लामा, प्रतिनिधि सभा क्षेत्र नम्बर १ प्रदेश ख का निर्बाचन परीचालन कमिटिका संयोजक श्रीधर पोख्रेल, सहसंयोजक बालकृष्ण चौलागाई, हेटौंडा ९ का वडाध्यक्ष लक्ष्मण भण्डारी लगायत एमाले तथा माओवादी केन्द्रका कार्यकर्ताहरुको सहभागिता रहेको थियो ।