मत किन्नलाई मत दिनु हुन्नः खतिवडा

१७ मँसिर ,हेटौंडा । प्रतिनिधी सभा क्षेत्र नम्बर २ का बाम गठबन्धन उम्मेद्वार बिरोध खतिवडाले पैसाले मत किन्नलाई मत नदिन आग्रह गरेका छन । तामाङ तथा चेपाङ समूदायको बाहुल्य रहेको क्षेत्रमा लोकतान्त्रिक गठबन्धनका उम्मेद्वारहरु पैसाको प्रलोभनमा मतदातालाई आकर्षित बनाउने खेलमा रहेको आरोप लगाउँदै त्यस्ता उम्मेद्वारलाई मत नहाल्न आग्रह गरेका छन ।

मनहरी गाउापालिका वडा नम्बर ३, ४ र ५ नम्बर वडामा भएको चुनावी सभालाई सम्बोधन गर्दै प्रतिनिधी सभा क्षेत्र नम्बर २ का उम्मेद्वार खतिवडाले देशको हरेक गाउँको विकास नभएसम्म देशको पनि विकास नहुने बताउँदै बाम सरकारले जनताको न्यूनतम आवश्यकता पुरा गर्ने बताए  ।
त्यस्तै प्रदेश सभा उम्मेद्वार राजाराम स्याङ्तानले काँग्रेसको सरकारले देशको विकास नगरेको बताए  । उनले अधिकाँश ऐलानी जग्गामा बसोबास गर्दै आउको तामाङ तथा चेपाङ समूदायलाई जग्गा दिलाउन समेत आफुले पहल गर्ने बताए  । चुनावी सभामा नेपाली काँग्रेस तथा राप्रपा परित्याग गरी एकसय १० जना बाम गठबन्धनमा प्रवेश गरेका छन् ।

 मनहरी गाउँपालिका वडा नम्बर ३ का निर्वाचन परिचालन कमिटि संयोजक सञ्जीव पाठकको अध्यक्षतामा भउको कायृक्रममा एमाले नेता एवम् पूर्व साँसद अनन्त पौडेल, एमाले जिल्ला सचिव एकालाल श्रेष्ठ, मनहरी गाउँपालिका उपाध्यक्ष मनिला बिष्ट, नेपाल चेपाङ संघका केन्द्रिय सदस्य खुशीलाल चेपाङ, माओबादी केन्द्रका समानुपातिक उम्मेद्वार ओम घलान, एमाले नेता तथा नेपाली काँग्रेस पूर्व जिल्ला सचिव विष्णु दाहाल, लगाएतले देशमा बाम गठबनधनको आवश्यकता रहेको बताउँदै बाम गठबन्धनका उम्मेद्वारलाई बिजयी गराउन समेत आग्रह गरेकाछन् ।