गाउँपालिका उपाध्यक्ष गाउँ छिर्दा बिरोध 

Google Photo

 १९ मंसिर, हेटौँडा । २१ गते बिहिबार  हुन गईरहेको  प्रतिनिधि तथा प्रदेशसभाको दोस्रो चरणको  निर्वाचनको मौन अवधी शुरु भैसकेको छ । निर्वाचन अघि कुनै पनि सभा सम्मेलन तथा प्रचारप्रसार एवम औपचारिक कार्यक्रम गर्न पाइदैन ।

तर मकवानपुरको मनहरी गाउँपालिकाले निर्वाचन आचारसंहिता लत्याउदै मौन अवधिमा १६ दिने महिला हिंसा विरुद्धको अभियानको नाममा भोट माग्ने प्रयास भएको स्थानियले आरोप लगाएका छन् । हाँडीखोलास्थित मसिने गोलघरमा महिला हिंसा बिरुद्धको कार्यक्रम भन्दै गाउँपालिका उपाध्यक्ष मनिला बिष्टसहित केही एमालेका नेता कार्यकर्ता उपस्थित भएपछी स्थानीयबासिले बिरोध गरेका छन् ।

स्थानीयको बिरोधपछी  हाँडीखोलाकै अर्को स्थानमा कार्यक्रम गर्न लागिएको अवस्थामा स्थानियले अवरोध खडा गरेपछी इलाका प्रहरी कार्यालय नेवारपानीबाट प्रहरी नायब निरिक्षक  हरिबहादुर मोक्तानको टोलिले गाउँपालिका उपाध्यक्ष बिष्टसहितको टोलिलाई कार्यक्रम गर्न रोक लगाएको थियो । प्रहरी नायब निरीक्षक मोक्तानले  चुनाबको मौन अबधी शुरु भैसकेको समयमा यस्तो क्रियाकलाप हुन नदिने आदेश अनुसार नै कार्यक्रम गर्न रोक लगाईएको बताए । 

यस बिषयमा गाउँपालिका उपाध्यक्ष मनिला बिष्ट बुझ्न खोज्दा मौन अवधिमा यो कार्य गरिनु गलत भएको बताउँदै यो कार्यक्रम राजनीतीक पार्टीको नभएकोले आफु अतिथि रुपमा आएको बताईन् ।