राक्सिराङ्ग गाउँपालिकाको बरिस्टा तालिमको समापन

११ असार, हेटौँडा । मकवानपुरको राक्सिराङ्ग गाउँपालिकाले पालिका भित्रका युवालाई स्वरोजगार बन्न संचालन गरेको बरिस्टा तालिमको आज समापन गर्दै प्रमाणपत्र वितरण गरिएको छ ।  गाउँपलिकाले संचालन गरेको तालिमको जेठ २७ गते गाउँपालिका अध्यक्ष राजकुमार मल्लले उदघाटन गरेको थिए । गाउँपालिकाको आर्थीक  सहयोग र लिंकेज एकेडेमीको प्राविधिक सहयोेग र व्यवस्थापनमा १७ दिन सम्म चलेको तालिमा सहभागिलाई गाउँपालिका अध्यक्ष राजकुमार मल्लले प्रमाणपत्र प्रदान गरेका हुन् । सोमबार बिहान अध्यक्ष मल्ल र गाउँपालिका समाजिक विकास अधिकृत गोविन्द अधिकारीले तालिमको समापन गर्दै सहभागिलाई प्रमाणपत्र प्रदान गरेका थिए । 
समापन कार्यक्रममा बोल्दै अध्यक्ष मल्लले पालिका भित्रका युवालाई सिप मार्फत स्वरोजगार बनाउने उदेश्यका साथ गाउँपालिकाले तालिमको आयोजना गरेको बताएका छन् । त्यसैगरी एकेडेमीका संचालक भुपेन्द्र  कोइरालाले तालिममा सहभगिलाई दक्ष प्रसिशकबाट तालिम दिएर युवालाई स्वरोजगार बनाउने कामको गाउँपालिकालाई धन्यवाद दिएका छन् । गाउँपालिका भित्रका करिब २५ जना युवाहरुको सहभागिता रहेको बरिस्टा तालिमका संयोजक एलिस मल्लले जानकारी दिएका छन् ।