बकैया गाउँपालिकाको हात्तिसुडेमा  महोत्सव  हुने 

४ माघ, हेटौँडा । मकवानपुरको पुर्वी क्षेत्रमा रहेको बकैया गाउँपालिकामा पहिलो पटक ऐतिहासिक बकैया साँस्कृतिक महोत्सव २०७४ हुने भएको छ । आयोजकले आज हेटौडामा पत्रकार सम्मेलनको आयोजना गर्दै महोत्सव बारे जानकारी दिएको हो  ।  

बकैया गाउँपालिकामा  रहेका कला, संस्कृति, कृषि, पर्यटन , व्यापार तथा खेलकुद प्रर्वद्धनको लागि महोत्सव गर्न लागेको बुद्ध युवा क्लबका हात्तिसुडेका  अध्यक्ष विजय लामा थिङले बताए ।  महोत्सवमा २ सय स्टल रहने र खुल्ला पुरुष तथा महिला भलिबल प्रतियोगिता देखी खुल्ला दौड प्रतियोगिता, खुल्ला लोक दोहोरी प्रतियोगिता, खुल्ला सेभेन ए साईड फुटबल प्रतियोगिता, आमा समुह स्तरिय रत्यौली प्रतियोगिता आयोजना गरिने  बताए । त्यसैगरी महोत्सवमा खुल्ला बकैया सिङ्गीङ स्टार तथा नृत्य आईडल र राष्ट्रिय कलाकारहरुको प्रस्तुती रहने बताइएको छ । महोत्सव भित्र ढेडो खाने, माछा मार्ने र भाले छुने छुट्टाछुटै प्रतियोगिता हुने पत्रकार सम्मेलनमा बताइएको छ । बुद्ध युवा क्लब हात्तीसुढेको आयोजनामा हुन लागेको महोत्सव बकैया खोलाको तिरमा  फाल्गुन १७ देखि २७ सम्म हुने चल्ने र  महोत्सवमा करिब ५७ लाख खर्च हुने र १ लाख दर्शकले मेला अवलोकन गर्ने अनुमान  आयोजकले गरेको छ ।