जनकल्याण सहकारीले सम्पन्न गर्यो विस्तारित बैठक

फोटो:भिमसेन पौडेल

२० बैशाख, हेटाैडा । हेटाैडा - ६ चाैघडामा रहेकाे जनकल्याण  बचत तथा ऋण  सहकारी  संस्थाद्वारा आयाेजित विस्तारित  बैठक शनिवार  सम्पन्न भएकाे छ ।
संस्थाकाे चालू आर्थिक वर्ष २०८१/०८२ काे स्वीकृत वार्षिक  कार्यक्रम  अनुसार हेटाैडा ८  कमनेमा रहेकाे शुभम पार्टी  प्यालेसमा विस्तारित बैठक सञ्चालन गरिएको   हाे  ।
बैठकमा संस्थाका ब्यवस्थापक दिपेन्द्र  गाैतमले संस्थाकाे आर्थिक  गतिविधि  लगायतका विषयहरुमा जानकारी  गराएका थिए । बिस्तारित बैठक संस्थापक  अध्यक्ष  बासुदेव अधिकारीकाे प्रमुख आतिथ्यता एवम संस्था अध्यक्ष  हिमाल पाैडेलकाे सभाध्यक्षतामा सम्पन्न  भएको  थियाे ।
बैठकमा संस्था उपाध्यक्ष  श्यामप्रसाद  भट्टराई , सल्लाहकार बद्री बहादुर पाठक, प्रल्हाद शर्मा, आचार्य लगायतकाले मन्तब्य ब्यक्त गरेका थिए  ।
बैठकमा सञ्चालक समिति, सल्लाहकार , शेयर सदस्य, कर्मचारी , सञ्चारकर्मी , महिला उपसमिति लगायतकाे सहभागिता रहेकाे थियाे ।
संस्थामा १ हजार ४२५ महिला शेयर सदस्य, १ हजार १३० पुरुष  सदस्य र ८ वटा संस्थागत शेयर सदस्य रहेका छन । संस्थाकाे २०८१ चैत मसान्तसम्म  शेयर रकम २ कराेड ६९ लाख , निक्षेप  २६ कराेड  ६२ लाख, ऋण  लगानी २० कराेड ८० लाख  गरि कुल पूजी  ३३ कराेड २४ रहेकाे संस्थाले जनाएको  छ ।