क्लासिक टेकद्वारा व्यवसायीका लागि नयाँ प्याकेज

१३ जेठ, हेटौंडा । देशकै अग्रणी तथा ठुलो नेटवर्क सेवा प्रदायक कम्पनी क्लासिक टेकले व्यापार व्यवसायलाइ लक्षित गरेर नयाँ प्याकेज ल्याएको छ । क्लासिक टेकले व्यापार व्यवसायलाइ लक्षित गरेर १ जिबिपिएसको इन्टरप्राइज प्रो इन्टरनेट स्पीड सार्वजनिक गरेको छ । 
नयाँ सुविधामा पव्लिक आइपी एड्रेस, एल२ सपोर्ट र वाइफाई ६ राउटर निःशुल्क रहेको छ । क्लासिक टेकले विशेष गरि धेरै प्रयोगकर्ता भएको व्यवसाय जस्तै होस्टेल, स्कूल, हस्पिटल, आईटी कम्पनी, कन्सल्टेन्सी, होटल आदिहरुलाई मध्यनजर गर्दै यो प्याकेज सञ्चालन गरिएको छ । साना इन्टरनेट स्पीडले धेरै प्रयोगकर्ता इन्टरनेट मा जोडिदा प्राय स्पीड कम हुने र कन्जेक्शन हुने भएकोले धेरै प्रयोगकर्ता लाई सपोर्ट गर्न सक्ने इन्टरनेट स्पीड को माग अनुसार १ जिबिपिएसको इन्टरप्राइज प्रो प्याकेज सार्वजनिक गरिएको छ ।  
 १ जिबिपिएसको मुल्य भने एकदमै कम र अहिले अफर पनि रहेको जनाउँदै कम्पनीले मासिक ७,२९९ रूपैयाँबाट शुरु हुने उल्लेख गरेको छ । यति मात्र नभई ५०० एमबिपीएसको इन्टरप्राइज प्रो पनि सार्वजनिक गरेको छ । यस अन्तर्गत यो सेवा ग्राहकको लागि काठमाडौँ लगायत देशको प्रमुख शहरहरुमा सुचारु भइ सकेको कम्पनीले बताएको छ ।