एक लाख सञ्चयकर्तालाई सेवा

३१ भदौ, हेटौँडा । कर्मचारी सञ्चय कोष हेटौँडा शाखाले एक लाख सञ्चयकर्तालाई सेवा दिईरहेको जनाएको छ । कर्मचारी सञ्चय कोषको ५५ औं बार्षिकोत्सवको अवसरमा शुक्रबार हेटौँडामा भएको कार्यक्रमा यस्तो जानकारी दिईएको हो । 
कार्यक्रममा आव ०७२/०७३ को प्रगति विवरण प्रस्तुत गर्दै शाखा प्रमुख दिनेशकुमार केसीले कार्यालयले जनकपुर अञ्चलका सर्लाही, महोत्तरी, धनुषा, सिन्धुली, नारायणी अञ्चलका चितवन, मकवानपुर, बारा, पर्सा र रौतहट गरी ९ जिल्लाका एक लाख सञ्चयकर्तालाई सेवा दिईरहेको बताए । 
उनका अनुसार आव ०७२/०७३ मा हेटौँडा शाखाबाट १५ हजार ९ सय ९८ सञ्चयकर्ताले १ अर्ब ६६ करोड ७५ लाख रुपैँया विशेष सापटी स्वरुप लिएका छन् । त्यसैगरी, ५३ सञ्चयकर्तालाई घर सापटीबापत ११ करोड १५ लाख रुपैँया र शैक्षिक सापटीतर्फ १५ जनालाई २ करोड ४ लाख रुपैँया कर्जा प्रवाह गरिएको छ । 
मकवानपुरका प्रमुख जिल्ला अधिकारी मानबहादुर विकेको प्रमुख आतिथ्यतामा भएको कार्यक्रमा कोष तथा लेखा नियन्त्रण कार्यालय हेटौँडाका कोष नियन्त्रक कृष्णप्रसाद पोखरेल, हरिकृष्ण कार्की, विमल खतिवडा लगायतले मन्तव्य व्यक्त गरेका थिए ।
 

खेलाडि र रक्तदातालाई सम्मान
बोर्षिकोत्सवको अवसरमा हेटौँडा भएको साताव्यापी कार्यालयमा विजयी खेलाडि र रक्तदातालाई शाखा कार्यालयले सम्मान गरेको छ । 
कार्यक्रममा स्लो बाईक रेसमा नन्दकिशोर राय पहिलो र गौरीशंकर मल्लिक दोस्रो, हट पोटेटोतर्फ अरुण कार्की पहिलो र रामबहादुर खड्का दोस्रो, दौडतर्फ पोष्टराज निरौला पहिलो र रामबहादुर खड्का दोस्रो भएका थिए । 
त्यसैगरी, क्यारेमबोर्ड सिंगलतर्फ अतुल बास्कोटा पहिलो र नन्दकिशोर राय दोस्रो, व्याडमिन्टन सिंगलतर्फ दीपकराज भट्टराई पहिलो र अरुण कार्की दोस्रो भएका थिए । रक्तदाता २२ जनालाई पनि कार्यक्रमा प्रमाणपत्रले सम्मान गरिएको थियो ।