माओवादी केन्द्र छोडी नयाँ शक्ति मजदुर संगठनमा

६ असोज, हेटौँडा । नयाँ शक्ति निकट नेपाल समाजवादी औद्योगिक मजदुर संघ एसियन पेन्ट्स इकाइले प्रतिष्ठानस्तरको ट्रेड यूनियन श्रम कार्यालय हेटौंडामा दर्ता गरेको छ । इकाई अध्यक्ष सन्तोष खड्काको नेतृत्वमा प्रतिष्ठानस्तरको इकाई दर्ता गरिएको हो । श्रम कार्यालय हेटौंडामा दर्ता भएको प्रमाण पत्र नम्बर ०४।०७३।७४ रहेको छ ।

नेकपा माओवादी केन्द्र निकट मजदुर संगठन परित्याग गरि नयाँ शक्ति निकट मजदुर संगठनको प्रतिष्ठान दर्ता गरिएको खड्काले जानकारी दिनुभयो । अखिल नेपाल औद्योगिक मजदुर संगठन परित्याग गरि समाजवादी औद्योगिक मजदुर संघमा आवद्ध हुनेमा इकाइका अध्यक्ष यज्ञ प्रसाद अधिकारी, उपाध्यक्ष अमरदिप रञ्जीतकार, सचिव श्रीकृष्ण भण्डारी, सहसचिव सन्तोष खड्का, कोषाध्यक्ष दिपक थापा रहेका छन् ।

सदस्यहरुमा प्रचण्ड घिमिरे, लक्ष्मण छत्कुली, रमेश दाहाल, नरेन्द्र थापामगर, राजन सहनी, लाहान थारु लगायत सल्लाहकार दिपक तिमल्सिना र सोमनाथ तिमल्सिना रहेको ज्ञानेन्द्र लामिछानेले जानकारी दिए । १ यस १८ मजदुर सदस्य रहेको संगठनको ५९ जनाले समाजवादिमा मजदुर संघमा प्रवेशका लागि हस्ताक्षर गरेको लामिछानेको भनाई छ । केन्द्रले लामिछानेलाई यस अघिनै जिल्ला सदस्यबाट कारवाही गरिसकेको जनाएको छ ।