नायक राजेश हमालबारे केही जानकारी

राजेश हमाल नेपालका एक चर्चित अभिनेता हुन् । उनको जन्म ९ जुन १९६४ मा पाल्पाको तान्सेनमा भएको हो । उनको पहिलो र सफल चलचित्र युगदेखि युगसम्म हो । उनलाई नेपाली चलचित्र उद्योगलाई व्यवसायिकतामा ल्याउन प्रमुख भूमिका रहेको व्यक्तिका रूपमा पनि लिइन्छ । राजेश हमालले नेपाली चलचित्रमा २ दशक भन्दा बढी अभिनय गरिसकेका छन् । उनले नेपाली चलचित्र क्षेत्रमा गरेको योगदानको लागि धेरै पुरस्कारहरूले सम्मानित भइसकेका छन् जसमा राष्ट्रिय चलचित्र पुरस्कार (१९८८-२०१४) रहेको छ । उनलाई यसै कारण महानायक भन्ने गरिएको छ । अभिनय क्षेत्र वाहेक समाज सेवामा पनि उनको सहभागिता रहेको छ । उनले अहिलेसम्मकै रोमान्चक भुमिकामा चलचित्र 'सकुन्तला' मा एउटी सशक्त महिलाको भुमिका निभाएका छन्।
शुरूवाती जीवन
उनी एक सम्पन्न नेपाली परिवारमा जन्मिएका हुन् । उनका पिता केही समयसम्म नेपालका राजदूत थिए । राजेश हमालले आफ्नो विद्यालय स्तरिय शिक्षा मस्कोबाट र उच्च शिक्षा (एम ए अङ्ग्रेजी) भारतको पञ्जाब विश्वविद्यालयबाट पुरा गरेका हुन् । नेपालमा कक्षा ८ सम्म सेन्ट जेभियर स्कूलमा उनले अध्ययन गरेका थिए ।
अभिनय यात्रा
सर्वप्रथम सन् १९८५ मा भारतको फेसन नेट म्यागजिनमा र सन् १९८६ मा नेपालको काठमाडौंमा र्यापमा हिँडेर ग्ल्यामरमा प्रवेश शुरू गरेका थिए । एक वर्षमा उनले औषत १०/१२ वटा सम्म चलचित्रहरूमा उनले अभिनय गर्ने गरेका छन् भने सन् १९९४ मा उनले १६ वटा चलचित्र सम्ममा अभिनय गरेका थिए । १७० भन्दा बढी नेपाली र १ पाकिस्तानी चलचित्रमा उनले अभिनय गरेका छन् । आफूले गरेका चलचित्र मध्ये देवता र वसन्ती उनलाई सबैभन्दा मनपर्ने चलचित्रहरू हुन् । उनी नेपाली चलचित्रका महानायक मानिन्छन् ।
व्यक्तिगत जीवन
राजेशको प्रेम जीवन पनि रोमान्चित खालको रहेको छ । धेरै जनासँग उनको नाम जोडिए पनि हालै  उनी विवाह बन्धनमा बाँधिएका छन् ।
चलचित्रहरू
युगदेखि युगसम्म              बसन्ती                    जीवनदाता           देउता
गोरेटो                     द युगदेखि युगसम्म              ढुकढुकी            अर्जुन
अल्लारे                             आफन्त                    धर्मा             खान्दान
चमत्कार                         अधिकार                    सन्यास            दुलही
हामी तीन भाइ                    सडक                      चट्याङ            पृथ्बी 

अपराध                           परिभाषा                      कवच      सपनाको नौलो संसार    

राजनीति                      अजम्बरी नाता               पालेदाई         किन किन

सपना                              तडप                        बरदान       छबिलाल कन्जुस छैन        

दुःख                             आशीर्वाद                     जंगवाज        को भन्दा को कम            

प्रतिक्षा                            संघर्ष                         बाटूली            मैदान            

करन अर्जुन                     कर्णबीर                      कर्म योद्दा      भगवान सबैको            

स्वाभिमान                      चोर सिपाही              मेरो राजेश दाई      बागमती

मुखौटा                        सकुन्तला