पूजाको नेतृत्वमा निर्मलमा नेविसंघ गठन 

८ पुस, हेटौँडा । हेटौंडा–१९ मा रहेको निर्मल बहुमुखी क्याम्पसमा नेपाल विद्यार्थी संघ इकाई समिति गठन गरिएको छ । पूजा गिरी सभापति रहने गरी  २५ सदस्यीय नयाँ समिति आईतबार गठन भएको हो । 
इकाईको उपसभापतिमा अञ्जीता भुजेल, सचिव माधवी कडेँल, सहसचिव मनिसा पाण्डे, कोषाध्यक्ष सपना वली रहेका छन् । त्यसैगरी सदस्यहरुमा सुनिता लामा, दूर्गा अर्याल, निशान वर्तौला लगायतका रहेका छन् । नेपाल विद्यार्थी संघ जिल्ला सदस्य एवम् प्रतिनिधि सुवास तिमल्सिनाको उपस्थितिमा कार्यक्रम भएको हो ।  
त्यस्तै मनहरीमा रहेको महेन्द्र किरण माध्यामिक विद्यालयमा पनि १० जोड २ नेपाल विद्यार्थी संघ इकाई समिति गठन भएको छ । विकेश अर्याल सभापति रहने गरि १७ सदस्यीय नयाँ समिति गठन भएको हो । जसको उपसभापतिमा अरुणा सापकोटा, सचिव पवन रिमाल, कोषाध्यक्ष अस्मिता मुक्तान, सहसचिव किशोर अर्याल रहेका छन् । त्यस्तै सदस्यहरुमा संजय मुक्तान, माधव अधिकारी, अभिसेक सुवेदीलगायत रहेका छन् । नेपाल विद्यार्थी संघ प्रतिनिधि कविता बतौला  उपस्थितिमा कार्यक्रम भएको हो । 
विद्यालयमा  नेपाल तरुण दल मकवानपुरका अध्यक्ष ईश्वर पाठकको सहयोगमा खेलकुद सामाग्री समेत वितरण गरिएको थियो ।  कार्यक्रममा प्रदेश तीनका प्रदेशसभा सदस्य सन्तबहादुर चेपाङ, काँग्रेस जिल्ला सदस्य कमला मैनाली, नवराज सुवेदी, काँग्रेस नेता शंकर न्यौपाने, जानुका लामा, प्रकाश बतौला, नेविसंघका जिल्ला सदस्य उमेशलाल स्याङ्तान र  नेविसंघका नेता आकाश भट्टराईको उपस्थिति रहेको थियो ।