सनराइज बोडिङ्गमा विद्यार्थी सचेत गराउदै उपभोक्ता मञ्च मकवानपुर 

 १३पुस, हेटौँडा। उपभोक्ता मंच नेपाल मकवानपुरले उपभोक्ता सचेत गराउने अभियानलाई जारी राखेको छ । यसै क्रममा उपभोक्ता मंच नेपाल मकवानपुरले शुक्रबार हेटौडा १३ पदमपोखरीमा रहेको सनराइज आवासीय अग्रेजी माध्यमिक विद्यालयमा उपभोक्ता सचेतना कार्यक्रम सम्पन्न गरेको छ । 
 उपभोक्ता मंच मकवानपुरले विद्यालयका कक्षा ७,८,९ र १०मा अध्ययनरत विद्यार्थीहरुलाई उपभोक्ताले पाउनु पर्ने गुणस्तरीय वस्तुको वारेमा ज्ञान दिने उदेश्यले सचेतना कार्यक्रम गरिको मंचका सचिव नवराज कोइरालाले बताए । उपभोक्ता मंच नेपाल मकवानपुरका अध्यक्ष कुमार पौडेलको सभाध्यक्षतामा तथा खाध प्रविधी तथा गुण नियंत्रण कार्यलय का प्रमुख सोमकान्त रिजालको आतिथ्यतामा भएको कार्यक्रममा विद्यार्थीहरुलाई आम उपभोक्ताले पाउनु पर्ने अधिकार र त्यस्को ज्ञानको बारेमा जानकारी गराईएको थियो । कार्यक्रममा विद्यालयका सह प्राचार्य विकास तामाङ, मंच मकवानपुरको उपाध्यक्षद्धय कपिल अर्याल, कृष्ण अर्याल,सदस्य बिनोद शर्मा,यथार्थ रिजाल लगायतकाको सहभागिता रहेको थियो । 
कार्यक्रममा बोल्दै खाध प्रविधी तथा गुण नियंत्रण कार्यालय का प्रमुख सोमकान्त रिजालले यस्ता प्रकारको विधालय स्तर उपभोक्ता शिक्षा कार्यक्रमले विद्यार्थीहरुमा उपभोक्ताले पाउनु पर्ने अधिकारको विषयमा चेतना बढने भन्दै विद्यार्थी मार्फत परिवार सगै सिगों समाज सुसुचित हुनेमा विश्वास व्यक्त गरेका छन। 
मंच नेपाल मकवानपुरका अध्यक्ष कुमार पौडेलले यस्ता प्रकारको शिक्षा र ज्ञानले विद्यार्थीहरुले उपभोक्ताले पाउनु पर्ने अधिकारको विषयमा चेतना हुने बताए त्यसैगरी विद्यालयका सह प्राचार्य तामाङले विद्यालय तहको पाठयक्रममा यस विषय समावेश गरेर विद्यार्थीहरुले गुणस्तरीय वस्तुको वारेमा बुझनु पर्ने बताएका छन ।