बजेट एकातिर ,नीति योजना अर्को तिर: मुख्य मन्त्री पौडेल

 १६ माघ, हेटौंडा। प्रदेश नम्बर ३का मुख्यमन्त्री डोरमणि पौडेलले  बजेट एकातिर र नीति योजना अर्को तिर हुने गरेको बताएका छन । राष्ट्रिय योजना आयोगको आयोजनामा  बुधबार हेटौँडामा भएको पन्ध्रौं योजना आधारपत्रसम्बन्धी प्रादेशिक परामर्श बैठक तथा अन्तरक्रिया कार्यक्रममा सम्बोधन गर्नु हुँदै उहाँले नेपालको पन्ध्रौं योजनाको आधारपत्रमा टेकेर अघि बढेमा अबको ५ बर्षमा समृद्द नेपाल सुखी नेपाली बनाउन सम्भव रहेको बताएका हुन। उहाँले सबै निकायले जिम्मेवार भएर काम गर्न सके देशले चाँडै फट्कोे मार्ने बताएका छन् ।

मुख्यमन्त्रि पौडेलले काम गर्ने शैली परिवर्तन गर्न आवश्यक रहेकोमा समेत जोड दिनुभएको छ । पौडेलले प्रदेश सरकारले छोटो अवधिमा धेरै काम गरेको पनि स्मरण गराउनु भएको छ । प्रदेशले स्थानिय तह र केन्द्रीय सरकारसंग तुलना गरेर काम नगरेको भन्न नमिल्नी उहाको भनाई छ । उहाँले अबको ५ वर्षभित्रमा मुलुक रुपान्तरण गरेरै देखाउने पनि प्रतिवद्धता जनाउनु भएको छ । यसको लागि ३ सरकारबिच सहकार्य हुन आवश्यक रहेको मुख्यमन्त्रि पौडेलले बताउनु भयो । उहाँले प्रदेशको अहिलेको बजेट सन्तोसजनक नभएको समेत बताउनु भएको छ । कार्यक्रममा राष्ट्रिय योजना आयोग प्रदेश ३ का संयोजक डा रामकुमार फुयालले सर्वसुलभ, गुणस्तरीय र आधुनिक पुर्वाधार निर्माण, उत्पादनशील र मर्या्दित रोजगारी अभिबृद्दी, उच्च दिगो र समाबेशी आर्थिक बृद्दी तथा गरिबी निवारण गर्दै समृद्दीको आधार निर्माण गर्नु नै नेपालको पन्ध्रौं योजनाको लक्ष्य रहेको बताउनु भएको छ । कार्यक्रममा नेपालको पन्ध्रौं योजनाको प्रस्तुतीकरण गर्नुहुदै डा फुयालले बचत तथा रास्ट्रीय  पुजि निर्माण मार्फत आत्मनिर्भर , सबल र समुन्नत अर्थतन्त्र निर्माण गर्ने उद्देश्य रहेको पनि स्पष्ट पार्नु भयो । राष्ट्रिय योजना आयोगका उपाध्यक्ष पुस्प कडेलको सभाध्यक्षतामा भएको कार्यक्रममा प्रदेश नीति तथा योजना आयोगका उपाध्यक्ष खिमलाल देबकोटा, प्रदेश मन्त्रीहरु, सभामुख सानुकुमार श्रेष्ठ,  उपसभामुख राधिका तामाङ, प्रमुख सचिब आनन्दराज ढकाल, संसदिय समिती सभापतिहरु, प्रदेश नीति तथा योजना आयोगका सदस्य श्याम कुमार बस्नेत, राष्ट्रिय योजना आयोगका कार्यक्रम निदेशक लक्ष्मी घिमिरे लगायतको उपस्थिति रहेको थियो ।