मकवानपुरका १ सय २ वडाअध्यक्षहरुलाई मुख्य मन्त्री पौडेलको निर्देशन

१८ माघ, हेटौँडा । प्रदेश नम्बरका मुख्यमन्त्रि डोरमणि पौडेलले जनप्रतिनीधि वडा अध्यक्षहरुलाई सचेत र सजग भै इमान्दारितापुर्बक काम गर्न निर्देशन दिएका छन। 
 जिल्ला समन्व्य समिति मकवानपुरले शुक्रबार हेटौँडामा आयोजना गरेको वडा अध्यक्षहरुको लागि दुई दिने क्षमता बिकास तालिममा सम्बोधन गर्दै उहाँले समृद्द नेपालको लागि हरेक योजना समृद्दीतर्फ उन्मुख हुन आवश्यक रहेको भन्दै भ्रस्टाचार हुन नदिन आग्रह गरेका हुन । 
मुख्य मन्त्री पौडेलले बिकास र निर्माणको काम भन्दा पनि पहिला जनाताले पाउनुपर्ने सेवा सहज ढङ्गले दिन आवश्यक रहेको बताए । स्रोत र साधनको न्युनतम र माग धेरै हुने भएकाले बिकास भन्ने बित्तिकै एकैचोटी नहुने भन्दै विकासको लामो प्रक्रीया भएको बताएका छन । मुख्यमन्त्रि पौडेलले विकास ढिला गर्ने तर दिगो रुपमा गर्ने बताउदै देशमा ३ वटा सरकारबिच समन्वय गरि काम गर्न आवश्यक रहेकोमा जोड दिए । जिल्ला समन्वय समिती मकवानपुरका प्रमुख रघुनाथ खुलालको अध्यक्षतामा भएको कार्यक्रममा प्रदेश ३ का मुख्य सचिव आनन्दराज ढकाल, प्रमुख जिल्ला अधिकारी आशमान तामाङ, जिल्ला समन्वय समिती मकवानपुरका उपप्रमुख भगवती पुडासैनी, जिल्ला समन्वय  अधिकारी कपिल प्रसाद उपाध्याय , हेटौँडा उपमहानगरपालिकाका मेयर हरिबहादुर महत लगायतकाको उपस्थिति थियो । 
शनिबार सम्म चल्ने तालिमले मकवानपुरका १० वटा स्थानिय तहका करिब १ सय २ वडा अध्यक्षहरुलाई क्षमता बिकासमा टेवा पुग्ने किसिमको तालिम प्रदान गरिने जनाईएको छ । तालिममा प्रदेश ३ का मुख्य सचिव आनन्दराज ढकाल, प्रमुख जिल्ला अधिकारी आशमान तामाङले जनप्रतिनिधिहरुलाई गर्नु पर्ने ८८ वटा कार्यको बारेमा सहजिकरण गर्ने आयोजकले बताएको छ ।