बानियाँले गाँउमै पुगेर बाडे चेपाङलाई कम्बल 

१९ माघ, हेटौँडा । निर्वाचनमा मतदाताको अमुल्य मत पाएर जित हासिल गरेपछि मतदातामा परेको समस्या र उनिहरुको पिडामा मलम लगाउनु नेताको कर्तव्य र दायित्व मानिन्छ । निर्वाचन पछि नेताहरुले गाँउलाई बिर्सनछन भन्ने  समाचारको शिर्षक नबनेको पनि होइन  तर केहि नेताहरुले हारे पनि जिते पनि गाउमा पुगेर मतदाताको समस्यालाई समाधान गर्दै भन्ने समाचार पनि सुन्ने गरिन्छ । 
यसै क्रममा मकवानपुर प्रदेश नम्बर ३ प्रदेश सभामा जन्ताको मत पाएर निर्वाचित संसद एवं नेपाली कांग्रेस मकवानपुरका सभापति एवं कांग्रेस ३ का संसदीय दलका नेता ईन्द्रबहादुर बानियाँले आफु निर्वाचिन क्षेत्रमा बसोबास गर्ने चेपाङ तथा प्रजाका घरपरिवारलाई न्यानो कपडा कम्बल वितरण गरेका छन । 
नेता बानियाले शनिबार गाउँमै पुगेर कैलाश गाउपालिका  ४ नम्बर वडाका १ सय ७० घरपरवार चेपाङ तथा प्रजाका घरपरिवारलाई शनिबार न्यानो कपडा कम्बल वितरण गरेका हुन  । नेता बानियाँले कैलाश ४ का धारापानी, गोपेधारी, देउतिस, धुसराङ्ग, किटराङ्ग टोलका १ सय ७० घरधुरी चेपाङ तथा प्रजा परिवारलाई कम्बल वितरण गरेका छन । कम्बल विरणन गर्दै नेता बानियाले जाडोको समयमा कमजोर आयश्रोत भएका चेपाङका परिवारहरु कठ्याङ्ग्रिएर बस्न नपरोस् भन्दै न्यानो कपडा वितरण गरेको बताए । उनले  यिनै चेपाङ तथा प्रजाको मत पाएर निर्वाचित भएको र दुखमा मतदातालाई साथ दिनु नेताको कर्तव्य भएकोले , जाडोमा कठाग्रिएर बस्ने नपरेस भन्दै प्रदेशसभाबाट उपलब्ध सेवा शुल्कबाट कटौति गर्दै न्यानो कपडा कम्बल वितरण गरी कर्तव्य पुरा गरेको बताए । उनले आउदा दिनमा पनि यसरी नै सहयोग गर्ने बताए । 
न्यानो कपडा वितरण कार्यक्रममा कांग्रेस ४ नम्बर क्षेत्रीय सभापति लोकबहादुर मुक्तान, कांग्रेस हेटौंडा उपमहानगर समिति सभापति आनन्दराम पराजुली, कांग्रेस मकवानपुरका सूचना प्रमुख सुजन विडारी, कांग्रेस कैलाश गाउँपालिका नेता बिरचन्द्र प्रजा, कैलाश गाउँपालिका ४ का वडा सदस्य गंगालाल प्रजा, शिक्षक मनोज प्रजालगायतको उपस्थिति रहेको थियो ।