नेपालमा लुटतन्त्र मौलायोः कमल थापा

फोटोः सुनिल शिवाकोटी

२१ फागुन,हेटोँडा ।राष्ट्रिय प्रजातन्त्र पार्टीका केन्द्रीय अध्यक्ष कमल थापाले मुलुकमा लोकतन्त्र भनई लुटतन्त्र मौलाएको बताएका छन ।
राप्रपाले फागुन १४ गते पुर्व नेपालको ताप्लेजुङ्काट सुरु गरेको मेचि–महाकाली राष्ट्रिय स्वाभिमान यात्रा अन्र्तगत आयोजित सभाको मंगलबार हेटौँडामा सम्बोधन गर्दै अध्यक्ष थापाले ठुला पार्टीका नेता र दुई तिहाई सरकारका बहालवाला मन्त्रीहरुले राज्य सत्तामा कब्जा गरी लुटतन्त्र मच्चाई रहेको आरोप लगाएका हुन । 
पुर्व उपप्रधानमन्त्री रहेका थापाले नयाँ नेपाल बनाउने नाममा राष्ट्र र राष्ट्रिय एकताका रुपमा रहेका राजालाई पाखा लगाई जातियताको आधारमा नेपाललाई विभाजन गरी, जन्ताको त्याग र बलिदानले प्राप्त गरेको एकतालाई टुक्राउने प्रयास भइरहेको बताए । 
फरक प्रशंगमा थापाले प्रधानमन्त्री ओलिलाई उखान टेक्काले मात्र देश नचल्ने भन्दै मधेसमा देश टुक्राउने नारा र भाषण भईरहदा ओलि सरकार चुप लागेर बसेको आरोप लगाए ।
 उनले दुई तिहाईको सरकारले भष्ट्रचारलाई संरक्षण गरेका भन्दै बर्तमान ओलि सरकार काण्डै काण्डको सरकार भएको बताए । थापाले यस यात्रामा नेपाललाई सनातन हिन्दुराज्य बनाउन ठुलो जनसमर्थन पाएको भन्दै अध्यक्ष थापाले आफुहरुले सनातन हिन्दु राज्यको स्थापनाको लागि जस्तोसुकै आन्दोलन गर्न तयार रहेको बताए ।
त्यसैगरी कार्यक्रममा बोल्दै राप्रपाका नेता तथा झापाबाट प्रतिनिधिसभामा निर्वाचित सांसद राजेन्द्र लिङ्देलले थापाको बचाउ गर्दै यस्ता ब्यक्तिलाई चुनावमा जन्ताले चिन्न नसकेको बताउदै घुमाउरो पारामा अब अध्यक्ष थापा झापाबाट चुनावमा लडने र आफुले जिताएर पठाउने बताए । 
कार्यक्रममा राप्रपा नेता तथा पुर्व गृह मन्त्री बुद्धिमान तामाङ्ग, राप्रपा केन्द्रिय  सदस्य दिपक सिंह, राप्रपा मकवानपुर अध्यक्ष मधु अधिकारी लगायतले मन्तव्य ब्यक्त गरेका थिए । फागुन १४ गतेबाट सुरु भएको राप्रपाको मेचि–महाकाली राष्ट्रिय स्वाभिमान यात्रा देशको विभिन्न जिल्ला परिक्रमा गरी फागुन ३० गते काठमाडौमा आमसभा आयोजना गर्दै समापन हुन छ ।