बकैयाको गाउँसभामा नीति कार्यक्रम प्रस्तुत

३० असार, हेटौँडा । मकवानपुरको ठूलो गाउँपालिका बकैयाले शुक्रबार आफ्नो पहिलो नीति, बजेट तथा कार्यक्रम प्रस्तुत गरेको छ । स्थानीय तहको निर्वाचन सम्पन्न भएसँगै १९ बर्षपछि छतिवन गाउँपालिकाले आव ०७४/०७५ का लागि नीति, बजेट तथा कार्यक्रम प्रस्तुत गरेको हो । 
गाउँपालिकाको पहिलो गाउँ सभामा उपप्रमुख सरला बोलखेले आगामी आवका लागि ४२ करोड ६९ लाख २७ हजार रुपैँयाको अनमानित बजेट प्रस्तुत गरिन् । बजेटमा भवन तथा सहकारी कार्यक्रमका लागि ३ करोड १५ लाख, आर्थिक विकास कार्यक्रममा १ करोड १० लाख ९१ लाख रुपैँया, सडक, पुल एवं झोलुङ्गे पुलका लागि ७ करोड ९० लाख, जलविद्युत एवं खानेपानीका लागि १ करोड ४० लाख, स्वास्थ्य कार्यक्रम संचालनका लागि १ करोड ८५ लाख १२ हजार, शिक्षाका लागि १२ करोड ६५ लाख ९९ हजार बजेट विनियोजन गरिएको छ । 
त्यसैगरी, खानेपानी तथा सरसफाई कार्यक्रमका लागि १ करोड १० लाख, पर्यटन एवं संस्कृति प्रवद्र्धनका लागि ५० लाख, लैंगिक समानता एवं समावेशीकरण कार्यक्रममा ४० लाख, सिंचाईका लागि ४० लाख, सञ्चार कार्यक्रमका लागि १५ लाख, वातावरण तथा विपद व्यवस्थापनका लागि १ करोड ४१ लाख र संस्थागत विकास, सेवा प्रवाह र सुशासन प्रवद्र्धनतर्फ ५ करोड ९७ लाख २५ हजार रुपैंया बजेट विनियोजन गरिएको छ ।
नीति तथा कार्यक्रमले दशकौंदेखि समस्याको रुपमा रहेको लालपूर्जाको समस्या समाधानलाई पहिलो प्राथमिकता दिएको छ । ३ बर्षभित्र गाउँपालिकालाई बालमैत्री गाउँपालिका घोषणा गर्ने, वडाबाट गाउँपालिकाको केन्द्र जोड्ने सडक विस्तार गर्ने, नदिहरुको व्यवस्थापन, १५ शैयाको अस्पताल स्थापना जस्ता विषयलाई अघि बढाउने गाउँपालिका प्रमुख दामोदर खनालले बताए ।