माझीगाउँ ‘नमूना गाउँ’ बन्ने

२१ साउन, हेटौँडा । बकैया गाउँपालिका वडा नम्बर–४ मा रहेको माझिगाउ लाई नमूना गाउँ बन्ने भएको छ । माझी उत्थान संघ मकवानपुरको आयोजनामा शनिबार जुरेलिमा भएको जनप्रनिधि सम्मान कार्यक्रममा माझी गाउँलाई नमूना गाउँ बनाउने जानकारी दिईएको हो । 

कार्यक्रममा बोल्दै गाउँपालिका प्रमुख दामोदर खनालले माझी समुदायको स्थानीय कला, संस्कृति, पराम्परागत पेशाको संरषण र व्यवसायिकरण गरिने समेत बताए । उनले गाउँपालिकामा समेत माझी समुदायको प्रतिनिधित्व गराईको भन्दै माझी बस्तिमा नमूना बस्तिको अवधारणा अनुसार काम गरिने दावि गरे । कार्यक्रममा उपाध्यक्ष सरला बोलखेले जातिय भन्दा बर्गिय रुपमा माझी समुदायलाई विशेष रुपमा सम्बोधन गर्ने बताईन् । 
माझी संघ मकवानपुरका अध्यक्ष आशिष कुसुवार माझिको अध्यक्षतामा भएको कार्यक्रममा बकैया–४ का वडा अध्यक्ष राजन दङ्गालले नमूना गाउँको प्रस्ताव आफुले गरेको बताउदै बकैया को प्रमुख प्रबेश गाउँलाई नमुना र समृद्धिको गाउँ बनाउने बताए । कार्यक्रममा ५ नम्बर वडा अध्यक्ष शेरमान घलान , माझी संघका केन्द्रीय सदस्य लक्ष्मी माझी , स्थानीय अगुवा श्याम माझी लगायतले मन्तव्य व्यक्त गरेका थिए ।

आफ्नो धर्मको रुपमा प्रकृति धर्म मान्ने माझीहरु आफ्नो बासस्थान तथा थानी पुजा गर्ने गर्दछन् । मकवानपुर र सिन्धुलीमा यो समुदायको एकिकृत बसोबास छ ।

(पत्रकार यादव चौलागाईको सहयोगमा)