मकवानपुरमा पहिरोको ताण्डबः एक जनाको मृत्यु,बेपत्ता ६ जनाको खोजी हुदै

२३ साउन,हेटौँडा । मकवानपुरमा सोमबार देखि परेको अबिरल बर्षका कारण पहिरोले एक घर बगाउदा १ जनाको मृत्यु भएको र ६ जना बेपत्ता भएका छन् । मकवानपुरको बागमती गाँउपालिका वडा नम्बर–५ सिक्रे दोभानमा पहिरोले घर बगाउदा उद्धार गरिएका एकजनाको मृत्यु भएको छ । मंगलबार बिहान अबिरल बर्षासँगै खसेको पहिरोले स्थानीय अक्कल बहादुर स्यांतानको घर बगाएको थियो ।
घर बगाउदा अक्कल बहादुर सहित निजको छोरी २२ बर्षीय शिला पहरी, शिलाका श्रीमान २५ बर्षीय जिबन पहरी, शिलाकी ४ बर्षीय छोरा मिलन पहरी, डेढ बर्षीया छोरी दिब्या पहरी र सोही घरमा बास बसेका सन्धुली हरिहरपुर–१ कोकटी बस्ने  १६ । १७ बर्षीय पासाङ घिसिङ बेपत्ता भएका छन् । 
पहिरोमा परि उद्धार गरिएकी अक्क्ल बहादुरकी श्रीमती ५५ बर्षीया सन्त माया स्यांतानको उपचारको क्रममा ज्यान गएको छ । उनलाई स्थानीयले उद्धार गरी फापरवारी ल्याएको र उपचारको क्रममा ज्यान गएको मकवानपुरका प्रहरी प्रवक्ता डिएसपी टेक बहादुर कार्कीले जनाएका छन् । यता मकवानपुरका प्रजिअ सुर्य प्रसाद सेँढाईले बेपत्ताहरुको खोजी कार्यका लागि विपद व्यवस्थापनको टोली पुगिसकेको र स्थानीय पालिकासँग समन्व्य गरेर खोजी कार्य तिब्र पारिएको प्रष्ट खबरलाई बताएका छन् । पहिरोगस्त क्षेत्र मकवानपुर र काभ्रेको सिमा नजिक पर्दछ ।