प्रदेश सांसद बानियाँले मनहरीको ३ वटा पुल उद्घाटन गर्ने

२३ जेठ, हेटौंडा।  मनहरी गाउँपालिकामा निर्माण भएको ३ वटा मोटरेवल पक्कि पुल उद्घाटन् हुने भएको छ। समयमानेै पुल निर्माण नभएको भन्ने गुनासो सार्वजनिक भएको अवस्थामा गाउँपालिकाको विनियोजित रकममा बनाएको तीन वटा मोटररेवल पुल जेठ २६ गते उद्घाटन हुने भएको हो ।

उक्त पुल बागमती प्रदेशसभा सदस्य इन्द्रबहादुर बानियाँले उद्घाटन् गर्ने गाउँपालिका अध्यक्ष रंजन कालाखेतीले जनाएका छन्।अध्यक्ष कालाखेतीले आइतबार बसेको गाउँ कार्यपालिका बैठकले पुलको उद्घाटन मिति तय गरेको बताएका छन्।

पुल उक्त निर्वाचन क्षेत्रबाट बागमती प्रदेश सदस्यमा निर्वाचित ईन्द्र बाहदुर बानियाँले गर्न लागेका हुन्। मनहरी गाउँपालिकाले गत आर्थिक वर्ष ०७७/७८ मा आन्तरिक श्रोतबाट ५ वटा पक्की पुल निर्माणको काम सुरु गरेको थियो । कुल ३३ करोँड ४० लाख ६५ हजार लागतमा वडा नं १,२,३, र ४ जोड्ने च्यापल खोला, हाँडिखोला, ट्वाङ्रा खोला, मसिने खोला र ठाडो खोलामा गरी ५ वटा पुलको ठेक्का लागेको हो ।हाल ट्वाङ्रा खोला, मसिने खोला र च्यापल खोला पुलको निर्माण कार्य सम्पन्न भइसकेको छ । बानीयाँ कन्स्ट्रक्सनसँग सम्झौता गरी निर्माण सम्पन्न भएको उक्त ३ वटै पुल २६ गते उद्घाटन गरीने अध्यक्ष कालाखेतीको भनाई छ ।

साथै अन्य दुईवटा पुलको निर्माण कार्य मंसिरसम्म सम्पन्न भइसक्ने उहाँको भनाई छ । उनले ठाडोखोला पुल निर्माण कार्य ८५ प्रतिशत र हाँडिखोला पुल ६३ प्रतिशत सम्पन्न भइसकेको बताए। उक्त पुलको उद्घाटन् भएसंगै चकरी, हाडीखोला आसपासका स्थानीयले विगतका वर्षमा वर्खाको समयमा राप्ती खोला तर्दा भोग्दै आएको समस्या अन्त्य हुने विश्वास गरिएको छ।