मकवानपुरगढी वृहत खानेपानीको १७ औ भेला सम्पन्न

२७ बैशाख, हेटौंडा । मकवानपुरगढी वृहत खानेपानी योजना उपभोक्ता समितिको १७ औं वार्षिक साधारणसभा शुक्रवार सम्पन्न भएको छ । साधारणसभामा समितिका अध्यक्ष विष्णुप्रसाद न्यौपानेले प्रगति प्रतिवेदन र कोषाध्यक्ष राधिका सापकोटाले आर्थिक प्रतिवेदन प्रस्तुत गरेका थिए ।
 साधारणसभा मकवानपुरगढी गाउँपालिकाका अध्यक्ष विदुर हुमागाईको प्रमुख आतिथ्यता एवम समितिका अध्यक्ष विष्णुप्रसाद न्यौपानेको अध्यक्षतामा भएको थियो ।
भेलामा मकवानपुरगढी–२ का वडा सदस्य शिवप्रसाद न्यौपाने, डिभिजन खानेपानी कार्यालय, मकवानपुरका ईन्जिनियर हरेराम खनाल, नेपाली कांग्रेस मकवानपुरगढी गाउँ सभापति दोर्जे लामा स्याङतान, समितिका संस्थापक अध्यक्ष हरिप्रसाद अधिकारी, पूर्व अध्यक्ष ध्रुव देवकोटा, चुच्चेखोला सामुदायिक वनका अध्यक्ष अर्जुनप्रसाद दाहाल, समितिका सचिव कृष्णप्रसाद पोखरेल पूर्व सचिव सीताराम दाहाल, समाजसेवी रामप्रसाद घिमिरे लगायतकाले मन्तव्य व्यक्त गरेका थिए ।
३३७ वटा निजी धारा र ५५ वटा सार्वजनिक धारा मार्फत पानी वितरण गरिरहेको समितिले मकवानपुरगढीका ११ सय घरधुरीका करीव १२ हजार जनतालाई पानी वितरण  गरिरहेको कार्यालय सचिव कृष्ण हुमागाईले बताए ।