बकैया गाउँपालिकालाई बालमैत्री घोषणा गर्ने तयारी

१ पुस, हेटौँडा । मकवानपुरको बकैया गाउँपालिकाले गाउँपालिकालाई बालमैत्री गाउँ घोषणा गर्न भएको छ ।  बालमैत्री स्थानीय शासन कार्यक्रय कार्यान्वयन गर्ने प्रकृयामा रहेको गाउँपालिकाले २०७६ सालभित्र बालमैत्री गाउँपालिका घोषणा गर्ने भएको हो । 

त्यसका सुचकहरु पुरा गर्न वडा वडामा काम भईरहेको गाउँपालिकाका अध्यक्ष दामोदर खनालले बताए । बकैयाले आगामी आर्थिक बर्षमा १२ वटै वडालाई बालमैत्री वडा घोषणा गर्ने तयारी गरेको छ । गाउँ कार्यपालिका बैठकले वालमैत्री स्थानीय शासनका सुचकहरु पुरा गरि बालमैत्री वडा घोषणा गर्ने निर्णय गरेअनुसार वडालाई बालमैत्री वडा घोषणा गर्ने तयारी भएको गाउँपालिकाका उपाध्यक्ष सरला बोलखेले जानकारी दिईन् ।

वालमैत्री वडा घोषणाका लागि वडा स्तरिय अभिमुखिकरण, वडा तथा पालिका स्तरिय समिति सञ्जाल गठन, सुचक मापन र लगानी योजना बनाउने कार्यमा अहिले कार्यक्रमहरु भईरहेको बकैया गाउँपालिकाबाटवालवालिकाहेर्ने सम्पर्क ब्यक्ति शिवराम बोहराले जानकारी दिए ।  अहिले वडाहरुमा समुह सञ्जाल गठन पुर्नगठन, सुचक मापन गर्ने लगायतका काम भईरहेको छ । हाल सम्म वडा नम्बर ३ र ५ मा अधिकांश सुचक पुरा भएका छन् भने अन्य वडाहरु कार्य प्रक्रियामा रहेको प्रमुख प्रशासकीय अधिकृत खेमराज सापकोटाले बताए ।