प्रदेश नम्बर ३ को यातायात व्यवस्था सेवा कार्यालय थानाभर्याङमा

९ माघ, हेटौँडा । प्रदेश नम्बर ३ को यातायात व्यवस्था सेवा कार्यालयको सेवा स्तरोन्नती सहित कार्यालय बुधबारबाट हेटौंडा ११ थानाभर्याङमा संचालनमा आएको  छ । 
 हेटौंडा ११ थानाभर्याङमा कार्यालयको  बुधबार प्रदेश नम्बर ३ का मुख्यमन्त्री डोरमणी पौडेलले उद््घाटन गरेसंगै सेवा स्तरोन्नती सहित कार्यालय सुरु भएको हो । 
उद््घाटन कार्यक्रममा बोल्दै प्रदेश नम्बर ३ का मुख्यमन्त्री डोरमणी पौडेलले कार्यालय स्थापनाले यातायातको सेवाका लागि अब काठमाडौँ वा अर्को प्रदेशमा धाउनुपर्ने नपर्ने बताएका छन ।  
मुख्यमन्त्री पौडेलले यातायातको सेवामा अझै थप गर्नुपर्ने बताउदै छिटो छरितो सहज सेवा प्रदान गर्न माताहतका कर्मचारीलाई निर्देशन समेत दिएका छन । 
 कार्यालयले तत्काल लाइसेन्स प्रक्रियाबाहेक सवारी दर्ता लगायतका सबै सेवा प्रदान गर्ने कार्यालय प्रमुख पोषण थापाले बताए ।
कार्यालयको उद्घघाटनपछि मुख्यमन्त्री पौडेलले प्रयोग गर्ने विद्युतीय कारको नम्बर दर्ता गरिएको छ । यस्तै बुधबारै सवारी धनी पार्वती तिमल्सिनाको निजी मोटरसाइकल र पालुङका मनोहर कार्कीको भाडाको तिनपाङग्रे टेम्पोको सवारी नम्बर समेत दर्ता गराएको छ ।कार्यक्रममा भौतिक पुर्वाधार तथा योजना मन्त्रालयका सचिव कौशल किशोर झाको सभाध्यक्षतामा भएको कार्यक्रममा प्रदेश नं ३ का प्रमुख सचिव आनन्दराज ढकाल, हेटौंडा ११ नं वडाका अध्यक्ष गोकर्ण पराजुली लगायतको सहभागिता रहेको थियो ।