३ फागुन, हेटौँडा । मकवानपुरको भीमफेदी १ किसेडी, देउरालीदेखि ९ नम्बर वडा स्यार्से हुँदै कैलाश ९ घैराङ जोड्ने सडकको शुक्रबार उद्घाटन भएको छ ।
नेपाली कांग्रेस साविक नामटार सभापति रामकृष्ण थापाको सभाध्यक्षता तथा नेपाली कांग्रेसकी केन्द्रीय सदस्य महालक्ष्मी उपाध्याय डिनाको प्रमुख आतिथ्यतामा सडक उद्घाटन तथा सम्मान कार्यक्रम भएको हो ।
कार्यक्रममा बोल्दै प्रमुख अतिथि डिनाले विकास निर्माण कार्यमा कम्युनिष्टले कहिल्यै ध्यान नदिएको बताउँदै कांग्रेसले जित्दा विकास निर्माणमा आमूल परिवर्तन गर्ने बताईन् । अहिले कांग्रेस सरकारमा नहुँदामा पनि यो क्षेत्रमा लाखौं रकम खर्चिएर काम गरिरहेको बताउँदै कम्युनिष्टहरु काम भन्दा बढी आश्वासन मात्रै दिने गरेको बताईन् ।
नेपाली कांग्रेस ३ प्रदेश संसदीय दलका नेता एवं मकवानपुर पार्टी सभापति ईन्द्रबहादुर बानियाँले आफूले जितेपछि गाउँ गाउँमा विकास निर्माणमा लाग्ने क्रममा भीमफेदी १ किसेडीदेखि स्यार्से हुँदै घैराङसम्मको ६ किलोमिटर सडकमा आफूले मेशिन निःशुल्क सहयोग गरेको बताए । स्थानीय निकायदेखि केन्द्रसम्म कम्युनिष्ट सरकारको दुई तिहाई हुँदापनि थोरै रकम समेत सहयोग गर्न नसकेको बताउँदै आफूले अहिलेसम्म व्यक्तिगत १५ लाखभन्दा बढी रकम बराबरको मेसिन सहयोग गरेको बताए ।
५ किलोमिटर बाटो निर्माण कार्य सम्पन्न भैसकेको सो सडक घैराङ्गसम्म पुग्न अझै २ किलोमिटर निर्माण कार्य भैरहेको छ । सुरुमा सडक निर्माणमा कांग्रेस केन्द्रीय सदस्य उपाध्यायले १ लाख, नेता बानियाँले १५ लाख बराबर रकमको मेशिन सहयोग, भीमफेदी गाउँपालिकाबाट ४ लाख र कैलाश गाउँपालिकाबाट १० लाख रकम बराबरको तेल सहयोग गरेर बाटो निर्माण कार्य भैरहेको छ ।
कार्यक्रममा नेपाली कांग्रेस ४ नम्बर क्षेत्रीय सभापति लोक मुक्तान, भीमफेदी १ का वडा अध्यक्ष श्यामबहादुर बल, नेविसंघ जिल्ला अध्यक्ष राजु खतिवडा, बाटो निर्माण समितिका अध्यक्ष नारायण सिं गोले, कांग्रेस मकवानपुरका सूचना प्रमुख सुजन विडारी, विद्यार्थी नेता मिलन पुडासैनी, क्षेत्रीय सदस्य मानबहादुर वाईबा, कैलाश ९ का वडा सभापति भुवन सिं घलान, तरुण दल साविक नामटार अध्यक्ष मोहनसिं वाईबा, गोपी बललगायतले मन्तव्य व्यक्त गरेका थिए ।
कार्यक्रममा प्रमुख अतिथि डिना र विशिष्ट अतिथि बानियाँलाई सडक निर्माणमा विशेष सहयोग गरिएकोमा सम्मानसमेत गरिएको थियोे ।
२० बैशाख, हेटाैडा । हेटाैडा ६ चाैघडामा रहेकाे हेटाैडा स्वास्थ्य चाैकीले बिहीबार देखी जनता स्वास्थ्य ...
२० बैशाख, काठमाडौं । निर्वाचन आयोगले बैशाख १५ गते भएको उपनिर्वाचनको मतपरिणाम सहितको प्रतिवेदन राष्ट्रपति...
२० बैशाख, काठमाडौं । प्रधानमन्त्री पुष्पकमल दाहाल र नेकपा एमाले अध्यक्ष केपी शर्मा ओलीबिच भेटवार्ता भएको छ...
२० बैशाख, हेटौंडा । आज राष्ट्रिय सूचना तथा सञ्चार प्रविधि दिवस विविध कार्यक्रम गरी मनाइँदैछ । मुलुकमा सूचना तथा...
२० बैशाख, हेटौंडा । सशस्त्र प्रहरी बलका १८ जना वरिष्ठ उपरिक्षकहरुको सरुवा भएको छ । सरुवा हुनेमा साधारणतर्फ १६...
२० बैशाख, हेटौंडा । नेपाल र वेस्ट इन्डिज ‘ए’ बिचको चौथो टी–२० क्रिकेट बिहीबार खेलिँदै छ । खेल...
२० बैशाख, हेटौंडा । नेपालमा पश्चिमी वायु र स्थानीय वायुको आंशिक प्रभाव रहेको छ । देशको पहाडी भू-भागमा आंशिक...
२० बैशाख, हेटौंडा । टी–२० विश्वकप क्रिकेटका लागि टोली घोषणा भएको छ । नेपाल क्रिकेट संघ (क्यान) ले टी–२०...
१९ बैशाख, हेटौंडा। नेपाल पत्रकार महासंघ मकवानपुरको १८ औ वार्षिक साधारणसभा र १२ औ अधिवेशन बुधबार सम्पन्न भएको...
१२ बैशाख, हेटौंडा । बागमती प्रदेश सरकारले वैशाख २४ गते सार्वजनिक बिदा दिने निर्णय गरेको छ । प्रदेश सरकारको बुधवार...
९ बैशाख, हेटौंडा। पूर्व पश्चिम राजमार्ग अन्तर्गत हेटौंडा-१० मा भएको सवारी दुर्घटनामा घाईते व्यक्तिको उपचारको...
१० बैशाख, हेटौंडा। सरकारले मंगलबार सार्वजनिक बिदा दिएको छ। कतारका राजा अमिर शेख तमिम बिन हमाद अल थानीको नेपाल...
१२ बैशाख, हेटौंडा। त्रिभुवन राजपथ अन्तर्गत मकवानपुरको भीमफेदी-३ त्रिखण्डी नजिक मोटरसाइकल सुमोसँग ठक्कर खादा...
८ बैशाख, हेटौंडा। हेटौंडा औद्योगिक क्षेत्रमा रहेको कार्टुन उद्योगमा आगलागी भएको छ।आइतबार बिहान हेटौंडा-८ मा...
१४ बैशाख, हेटौंडा । काठमाडौँको न्युरोडबाट एक किलो ८ सय ग्राम सुन र डेढ करोड नगदसहित ७ जना पक्राउ परेका छन् । पक्राउ...
१५ बैशाख, हेटौंडा। हेटौंडा हुदै काठमाडौँ जोड्ने बैकल्पिक मार्गको रुपमा रहेको कान्तिलोकपथ बैशाख १६ गते ...
१३ बैशाख, हेटौंडा। मकवानपुरको मनहरीमा खोलामा डुबेर एक जनाको मृत्यु भएको छ ।बिहीबार दिउँसो मनहरी खोलामा नुहाउन...
१८ बैशाख, ललितपुर । ललितपुरको गोदावरी नगरपालिका–४ स्थिति तपेश्वर सामुदायिक वनमा लागेको डढेलो निभाउने क्रममा...