कैलाशको नीति तथा कार्यक्रम :चेली प्रोत्साहन कार्यक्रमलाई निरन्तरता

१० असार, हेटौंडा। मकवानपुरको विकट मानिएको कैलाश गाउँपालिकाले आगामी आर्थिक बर्षमा चेली प्रोत्साहन कार्यक्रमलाई निरन्तरता दिदै अध्यक्षसँग विपन्न र किशोर किशोरी बहस कार्यक्रम संचालन सम्मको निती सहितको कार्यक्रम सार्वजनिक गरेको छ।

आज सोमबार बसेको १४ औ गाउँसभाको बैठकमा आगामी आवको अनुमानित बजेट सार्वजनिक गर्नुको साथै वार्षिक नीति तथा कार्यक्रम प्रस्तुत गरिएको गाउँपालिकाका अध्यक्ष लोक बहादुर मोक्तानले जानकारी दिएका छन्।

प्रस्तुत नीति तथा कार्यक्रममा पालिकाले आवा २०८१।८२ मा विपद व्यवस्थापनका लागि सबै वडामा प्रकृति प्रकोप जनचेतना कार्यक्रम संचालनमा गरिनेछ।त्यसैगरी सामान्य सेवामा स्थानीय सरकार : जनताको नजिकको सरकारलाई यथार्थतामा रूपान्तरणका लागि गाउँपालिकाबाट प्रदान गरिने सेवालाई छिटो छरितो नागरिक मैत्री बनाईने मोक्तानले नीति तथा कार्यक्रममा उल्लेख गरिएको बताए । 

गाउँपालिका र वडा कार्यालयहरुलाई सुचना मैत्री कार्यालयको रुपमा विकास गरिने र संचालनमा रहेको अध्यक्षसँग विपन्न र किशोर किशोरी बहस कार्यक्रमलाई निरन्तरता दिदै रकम विनियोजन गरेको जनाइएको छ।
गाउँपालिकाबाट हुने सम्पूर्ण कारोबारलाई बैंकिंग प्रणाली मार्फ़त गरिने जनाइएको छ।सार्वजनिक सुनुवाई निरन्तर गरिने,डिजिटल नागरिक वडापत्रको बारेमा सेवाग्रहीलाई सचेत गरिदै लगिने अध्यक्ष मोक्तानले बताएका छन् ।
त्यसैगरी गाउँपालिकालाई ऐतिहासिक, मौलिक संस्कृति र रहनसहनको संरक्षण र सम्वर्द्धन गर्न घाटुनाच, मारुनी नाच, तामाङ भाषा र संस्कृतिको र मगर नौमती बाजा संरक्षण गरी धार्मिक ऐतिहासिक क्षेत्रको फोटो संकालन गरी स्थाहरुको प्रचारप्रसार गर्ने जनाइएको छ।मोक्तानले गाउँपालिकास्तर र जिल्लास्तर हुदै राष्ट्रिय स्तरका खेलाडीहरु निर्माण गर्न अध्यक्षकप फुटबल र उपाध्यक्ष कप भलिबल प्रतियोगितालाई निरन्तरता दिइने बताएका छन् ।